حيرتني يا قلم
عايش معايا من البدايه لأخر الحكايه
وبعد كل فتره بنكتب انا وانت النهايه
ونرجع من تاني ونكتب بدايه
وياريتها قصص دي قصه واحده معذبانا
ومش عارفين نكتب فيها النهايه ولا لسه فيه كلام في الحكايه
وارجع واقول دي لسه عايشه جوايا
وبتبقى معايا في كل خطوه من خطايا
وبترسم معايا كل آمالي ومنايا
وحتى لما بنام في الحلم بردو ويايا
وحتى في وحدتي بتبقى فكري وكل دنيايا
...............اكتب يا قلم اكتب معايا...............
اكتب وقول دق الطبول دا الفرح رجعلي من تاني
اكتب وقول بحبر البحور دي حبيبتي ملكي وملكاني
اكتب وقول ملايكه وحور بتهفهف حواليا من تاني
اكتب وقول"""ولا ارجع واقول اوهامها لسه محوطاني
ارجع لعقلك يا قلم دي جراحها لسه مألماني
احترت افرح ولا أصرخ منا خايف أفرح ترجع تاني تنساني
ما هو يا اما أرجع يا اما أبعد يا حبيبتي ليه محيراني
متيجي نرجع وكفايه انك كل ثانيه يا حبيبتي دايما وحشاني