قبل ما اكون انسان وقبل ما اتولد
قبل ماجى الحياه وقبل ما توجد
كنت حاسس بالامان
كنت حاسس انى جى وهعيش بين ادين من حرير وجوه قلب من دهب
جواكى ياما كنت حاسس بالحنان كنت شاعر بالامان حاسس انى شىء له قيمه وله تمن
واما جيت للدنيا اول ايد ضمتنى ايدك اول قلب حضنى قلبك اول لحظه حنان كانت على صدرك
مع كل اه قولتها كنتى بتقوليها قبل منى ديما طول الوقت يا غاليه شايله همى
عمرى ما حسيت بالالم وانا معاكى عمرى ما حسيت بالامان غير وانا وياكى
طول الوقت دعيالى طول الوقت فكرانى
يوم ما غيب عن عنيكى تقلقى وتجرى عليا بسرعه تدورى
وتحسى لما تلاقينى انى لسه فى اللحظه دى مولود وان اللى فات كله من عمرى ما كان موجود
ملقيت فى حنانك حد فى ده الزمن ملقيت فى حياتى حد يوفى كتير من غير تمن
بحس معاكى بذاتى وانى انسان له كرامه وله تمن
على غدر زمانى و على ظلم الناس بتصبرينى وتقوينى
وبتوعدينى بنصر ربى مع كل ازمه جديده فى حياتى بتتولد
وتقوليلى وتنصحينى مبعدش عن ربى ومسبش يوم ابدا فرض
وتفكرينى ان ده هو سر النجاح سر الفلاح على طول الحياه مع كل وعد
ولما عشقتك ولما عاشرتك عرفت ليه ربى جعل رضاكى من رضاه وعشان كده بقيت يا ما خدامك
واما سمعتك واما عرفتك عرفت ليه ربى جعل الجنه تحت اقدامك
يا ما انا فداكى فى كل لحظه على مدى الحياه وروحى تهون عشانك
ديما دعيالى بالستر والصحه ديما فكرانى بكل خير ومحبه
عيشتى ديما فى قلبى ضحكه عيشتى ليا يا احلى وردة
يا هديه من ربنا ليا لازم احافظ عليكى زى ما ياما حفظتى عليا