الحلقه الاولى

صيحو : يافتاح ياعليم يارزاق ياكريم....صبحنا وصبح الملك لله...شغلانة ما يعلم بيها إلا ربنا... إيدكى معايا يا صافي

علشان نفتح الساعة داخلة على سبعة والنهار شقشق


صافي: سمى انتا وادخل يا صيحو....أنا عايزه أنام شوية

صيحو: ياستى قومى بلاش كسل...المواضيع كتيرة ولسه على ما نقرأ ونفرز ونشوف إيه اللى هنخليه وإيه اللى

هنحذف منه وإيه اللى هنحرقه بجاز


صافي: أهو يا سيدي بسكوته و فاير جم أهم...خليهم يبتدوا معاك على ما اافوق


صيحو: على فكرة ياجماعة البت بنت العمده دى زهقنى من عيشتى... أنا مش ملاحق عليها....ده تشوفولكم صرفه معاها


فاير: صيحو بلاش تلعب فى عداد عمرك ...الدور والباقى على باقى المشرفين و ...مثقفين زيادة عن النسب

المسموح بيها فى أى منتدى....كلام فى الدين شوية والسياسة شوية والإرهاب شوية وابن لادن شوية والاثار شويه

والازياء شويه وعالم المرأه والمطبخ شويه لما الضغط ابتدى يعلى عليا....انتم عارفين العنيين مفتحة علينا الأيام

دى... وعشان يقلوظوا السلطنية علينا تلاقيهم فجأة نقلوا على زغزغ والالعاب الكتابيه علشان

ننسى الكلام التقيل

بنت العمده: أنا شايفه ان عندنا اخطر اعضاء موجودين .....عاملين ركن للسلطة فى باب المطبخ وسببوا لى مشاكل فى

البيت

ام سامي: وسعوا يا بنات ام سامي وصلت...صباحين وحته..

..مين بس اللى مزعلكم وانا احذفه من عالخريطة..
صافي:ايه دى بسكوته جايه اهيه
بسكوته:سلام عليكم ازيكم يا احلى مشرفين فى النجع
ام سامي : ازيك يا توته ايه اتاخرتى ليه المفروض تفتحى قسمك
من نصف ساعه
يلا مش مهم
بسكوته:سيبك انتى بس يا ام سامي من التاخير والحاجات دى
...أنا فيه إتنين تلاتة اربعة عاملين فيها شيوخ
وكل واحده فيهم عامله فيها ملك زرار وهما فى التوهان خالص..

..شفتى اللى بتقول قتل السياح حلال.

..دى هنسكت لها ولا حنبقى ستات بجد ونقف وقفة ستات وكل ماحده منا يشوفوها تروح لازقها إنذار لحد ما تزهق من عيشتها

وتخلع لوحدها

صافي: إحنا معاكى يا ام سامي....لازم نقف لهم وقفة ستات...قتل السياح حلال وجوازعتريس من فؤادة باطل....اللى عايز

يجاهد يجاهد هناك فى الخرابة ما يجيش يجاهد هنا

ام سامي: أنا رأيى إن الفرخة وهيا بتعبر الطريق داست على كل اللى قدامها....نتعلم من الفرخة ياجماعة مش

عيب....اللى مش عاجبه قواعد الكتابة هنا ندوس عليه أو أقل ما فيها ننتف ريشه

بسكوته: عفارم يا ام سامي...هيا دى...ننتف ريشه....فكرة بمليون جنيه...بعيد عن الإنذارات واللبش...ننتف ريشهم

يعنى نعريهم...هيا دى

صافي: أنا ضد العنف فى الحوار ياجماعة....مش كل ما نختلف مع واحده فى الرأى ننتف ريشه...خلينا نتحاور معاهم

حوار راقى يانقنعهم يا يقنعونا
و زعرورتي جات وكانت سامعه الكلام
ودخلت فى الخط
زعرورتي: يا صافي معلش مع إحترامى فى كام واحده جايين جداد هنا محتاجين شوية ترصيص وظبط زوايا
(صافي فى سرها هم بيطلعوا امتى)
انتى جيتى امتى يا زعرورتي


استنو الحلقة الثانيه