السلام عليكم ورحمة الله وبركاتة

موضوع مهم وجاد وهو الواسطة والمصاحب لها الرشوة هما افاتين مو جودتين فى مجتمعنا اللى

المفروض انه مجتمع اسلامى

دلوقتى ياجماعة عشان عاوزة اشتغل لازم تسأل نفسك عندك واسطة ولا لاء لو عندك يبقا خلااااااااص

الموضوع اتحل لو معندكش يبقا الحق روح اعمل اى حاجة

يعنى يبقا الواحد جايب تقديرات جامدة امتياز ولا جيد جيدا ومع ذلك يشغلوا ابو مقبول عشان معاه واسطة

واحنا اكيد شفنا القرف دة وكلنا عارفين الحوارات دى

تخيلوا ان الواسطة دى بتضيع حقوق لناس تانية مالهاش ذنب الا انها مش معاها واسطة

والاهم بقه ان عشان اشتغل او عشان اطلع رخصة سواقة او اى حاجة من المصالح اللى كل واحد مننا بيحتاجها

لازم يكون معايا كارت وفلوس عشان ارش رشة جريئة على اللى بيخدمونى


انا قصدى طبعا الرشوة اللى الناس بيعطوا لها اسم تانى وهى الاكرامية ودلوقتى للاسف الناس بدأ

عندهم مفهوم ان الرشوة حرام انتهى


المهم اللى عاوزة اقولة

نعمل بالواسطة ولا لاء احنا عارفين انها غلط ومع ذلك مافيش حد مش بيعمل كدة فى مصر

والرشوة كمان المصاحبة للواسطة يعنى مثلا عشان تشتغل لازم تدفع 15 الف عشان تشتغل سواء لعضو

مجلس شعب او لواحد هيسفرك بره واحتمال ياخد فلوسك ويضحك عليك

الحاجات دى بنشوفها او بنسمع عنها

تفتكروا نمشى مع الموجة ولا نقعد احسن مستنين دورنا وما ننتهزش الفرصة

موضوع مهم وعاوز دماغ صاحى ياريت تنورنا بأرائكم


وكمان عاوزة اعرف نحل المشكلة دى ازاى من وجهة نظركم