السلام عليكم ورحمة الله وبركاتة
...
اخوتى النجعاوية الكرام
ازيكم عاملين ايه
يارب تكونو فى احسن حال
...
انهارده معانا عضوة خاصة
عضوة محبوبة بين كل الاعضاء
لها بريق خاص وسط النجعاوية
...
عانت كتير جدا وهى جاية للنجعاوية
طبعا عايزين تعرفو مين العضوة دى
...
العضوة تبقى زعرورتى
يانهار ابيض على زعرورتى واللى حصلها
هتعرفو يلا نبدأ
...
كانت زعرورتى على اتفاق مع عضوات النجع انهم
هيتقابلو فى اليوم ده
وكان مكان المقابله الساعه 2 الظهر فى عز الولعه
والمكان زى ما قولتلكم قبل كده
ميداان التحرير
على اساس ان كلهم هيوصلو بسهولة
...
زعرورتى قبل الميعاد بيوم
انا هظبط الموبايل على 12 علشان اقوم ابقى براحتى
...
وظبطت الموبايل
وكله تمام ونامت
لاكن للاسف الشديد
الموبايل فصل شحن
وبالطبع مارنش الصبح
...
صحيت زعرورتى الصبح
طب كويس والله انا صحيت قبل الموبايل مايرن
(ماتعرفش اللى فيها)
قامت زعرورتى
وخرجت بره
بالصدفه بتبص فى الساعه لقيتها
1.15
طبعا اتلخفنت
وبقت متسربعه
راحت لابسه بسرعه
وواخده الشنطه بتاعتها ونازله
للاسف زعرورتى معتمده على ان كل حاجتها فى الشنطة
(ماتعرفش اللى فيها)
...
المهم زعرورتى قالت بم انى مستعجلة آخد تاكسى
وفعلا راحت زعرورتى علشان توقف تاكسى
وقفت تاكسى وقالت للسائق: التحرير
السائق: اتفضلى
ركبت زعرورتى كانت الساعه بالظبط وصلت
1.40
يعنى باقى ثلث ساعه
يدوبك مسافة الطريق
...
وبمجرد دخول السائق فى الطريق المؤدى الى وسط البلد
بدأت الزحمة
زعرورتى: هو الطريق واقف ليه
السائق:اشارة
زعرورتى:طب هتفتح امتى
السائق:فى سره (استغفر الله العظيم) ماعرفش والله
سكتت زعرورتى شوية
لما لقيت الاشارة فتحت والطريق بدأ يمشى
لاكن اتصدمت لما وقف تانى
...
زعرورتى:الطريق وقف تانى ليه
السائق:اشارة
زعرورتى:تانى
السائق:هو احنا لسه عدينا الاولانية
زعرورتى : اومال ايه دى
السائق: بقولك ايه انتى ممكن تنزلى تتمشيها على رجلك لحد ما نعدى الاشارة وبعدين اركبى تانى
زعرورتى:ليه يعنى هو انا راكبه تاكسى علشان امشى
السائق:خلاص يبقى تسكتى شوية
زعرورتى:ليه يعنى انت شايفنى رغاية
(شكلك كده هتضربى يا زعرورتى)
السائق:بص لزعرورتى وهو بيخبط ايده على وشه وقالها انا آسف.. ممكن تسكتى؟
...
عدة برهة من الزمن والحمد لله
التاكسى اللى فيه زعرورتى بقى فى اول صف
ومنتظر الاشارة تفتح
زعرورتى:اظن بعد ما الاشارة تفتح هنمشى على طول
السائق:ان شاء الله
...
فتحت زعرورتى الشنطة
علشان تطلع الموبايل وتشوف الساعه
لاكن للاسف اتصدمت لما مالقيتهوش
زعرورتى:يانهار ابيض الموبايل فين
وقعدت تلف وتدور جوه التاكسى لاكن مالقيتهوش
ولاحظ السائق انها بتدور على حاجة راح سائلها:
انتى بتدورى على حاجة؟
زعرورتى:الموبايل بتاعى كان فى الشنطة ومش عارفة راح فين
السائق:ااااااه الموبايل
قالتلو ممكن لو سمحت تركن عند اى سنترال
السائق:ماشى اما نشوف آخرتها
فضل السائق ماشى شوية لحد ما لقى سنترال وراح راكن:
اتفضلى
...
نزلت زعرورتى
وراحت على السنترال علشان تتصل على موبايلها
واتصلت لقت الموبايل مقفول
زعرورتى:طب اعمل ايه بقى..اه انا اتصل بماما تشوفهولى
وفعلا اتصلت بمامتها
الو ياماما
والنبى شوفيلى موبايلى كده شكلى نسيتو فى البيت
مامة زعرورتى:نسيتيه ولا اتسرق منك
زعرورتى: لا نسيته
وقعدت تدور مامة زعرورتى لحد ما لقيت الموبايل:
يا زعرورتى الموبايل على السرير وفاصل شحن
زعرورتى:طب خلاص ماشى ياماما سلام
...
واطمأنت زعرورتى ان الموبايل فى البيت
حطت ايديها فى الشنطة لقت جنية فكه
حاسبت منه على المكالمه
ورجعت للتاكسى اللى كانت راكباه
...
وقالت للسائق انو يمشى
ومشى الراجل بس بردو الطريق كان واقف وزحمة جدا
وكل ما الوقت بيعدى الطريق بيزدحم اكتر وزعرورتى بتتنرفز اكتر
راحت قايله للسائق:ماتشد حيلك شوية
لحسن انا كده اتاخرت جدا على مشوارى
السائق:اعملك ايه يعنى مش ملاحظة ان الطريق واقف تماما
زعرورتى :اه بس مفيش اى اختصار
السائق :لا
زعرورتى:امرى لله
السائق بينه وبين نفسه(انا جعان جدا ومفطرتش وبما ان الطريق كده كده واقف انا اركن وانزل اجيب فطار علشان افطر)
اعذرينى بقى يا آنسه انا هاركن شوية اجيب حاجة اكولها لحسن انا ما فطرتش
زعرورتى: ايييييييه بقولك انا رايحه مشوار ومتأخره عليه
السائق: طب ما الطريق كده كده واقف
زعرورتى:وافرض الطريق مشى وانت بتجيب الحجات دى
السائق: لا دانا مش هكمل 5 دقايق
زعرورتى : اكيد
السائق: طبعا اومال ايه
ووافقت زعرورتى على انه ينزل
...
ركن الراجل على جمب
وراح على المطعم
لاكن المطعم كان زحمة جدا جدا..
وفضلت زعرورتى مستنية ربع خمس دقايق
فى عشر دقايق فى ربع ساعه
وبعد نص ساعه جه الراجل
واول ما شافته زعرورتى
هى دى الخمس دقايق
الراجل: ما المطعم زحمة اعمل ايه يعنى
زعرورتى:يعنى هو ده ذنبى انا ما قولتلك انى متأخره
الراجل: خلاص خلاص وركب التاكسى وهو بيبرطم طبعا ومش عاجبه
...
بعد ما ركب الراجل فاطبعا عايز ياكل
ولو وقف زعرورتى ممكن تخبطه باى حاجه وتسوق هى التاكسى لحد ما توصل
فقال انا اكل وانا سايق وخلاص
...
وبعد ما خلص اكل
راح مطلع شريط وراح مشغله ومعلى على الآخر
زعرورتى:ممكن تطفى البتاع ده او توطى شوية
السائق:اظن دى عربيتى وانا حر
زعرورتى:بعد ما انزل شغل اللى انت عايزة
السائق:ما قولنا دى عربيتى واشغل اللى انا عايزة فى اى وقت
زعرورتى:انت المفروض لما تركب حد بتبقى شغال عنده لحد ما توصله مشواره
ولازم تعمل اللى هو عايزه
السائق:اوف ..حاضر ماكانتش توصيله
زعرورتى:بتقول حاجة
السائق:لا ابدا
وراح طافى الاغانى اللى كان مشغلها وهو متأذم جدا
...
ومضى السائق فى طريقه
بعد ما الطريق اتفتح والحمد لله
بس الساعه بقت 3 والوقت اتاخر جدا
...
زعرورتى:يلا بقى الطريق فتح اهو
السائق : ربنا يسهل
...
وفى ظرف عشر دقايق كان الحمد لله وصل
ونزلت زعرورتى
وقالت للسائق: كام
قالها:25 جنيه
زعرورتى ماعترضيتش علشان كانت مستعجلة
حطت ايديها فى الشنطة
وطلعت 2 جنيه
قالت ايه ده فين الفلوس
وحطت ايديها تانى لتتضح ان الشنطة مافييهاش فلوس
وكانت صدمة قوية جدا لزعرورتى
...
ونزل السائق من التاكسى وقالها: فى حاجة
قالتله:تقريبا
قالها : خير
قالتله تقريبا كده نسيت الفلوس
قالها نسيتى الفلوس اااااه
وعملالى فيها دكتورة من الصبح وامشى ومستعجلة
وفى الاخر تقوليلى نسيت الفلوس
خشى يا بت هاتى الحتة دى وسيئى العربية
زعرورتى: احترم نفسك قال اسيء عربية قال
...
لاكن يا زعرورتى معلش ما باليد حيلة
وسيئت زعرورتى العربية بعد ما اتخانقت مع الراجل طبعا
وبم ان زعرورتى موقفها وحش
فا كلام السائق هو اللى مشى
..
وطبعا بعد المجهود الخرافى اللى قامت زعرورتى بيه
لازم تدوق الحلاوة بقة
وحلاوتها انها هتقابل صديقاتها النجعاوية
...
وبالفعل راحت زعرورتى على المكان اللى متفقين عليه للمقابله
وفضلت واقفه مستنية
...
بس للاسف يازعرورتى
الساعه داخله على 4 العصر
يعنى ميعاد المقالبة راح من بدرى
وتعيش وتاخد غيرها يا زعرورتى
...
والى اللقاء مع عضو جديد
وهو جاى يقابل النجعاوية