بما ان في ثوره مقالب شغاله الايام دي في المنتدي


قررنا نحن


خيااااال هاني




بعمل مقلب في حد غني عن التعريف وهو








صيحوووو


كان يا مكان راح صيحو لعروسه


وياريت ما راح

^
^
^


كان مديرنا العزيز صيحو مرتبط بموعد مع العروسه

واهلها ليتقدم لها



ولكنه لم يستطيع إغلاق المنتدى لمدة ساعة وهى مدة اللقاء مع

الأهل فأخذ اللابتوب(الكمبيوتر المحمول) معه وشحنه على

آxxxxxxxxx وتابع الردود على الأعضاء فى صفحة

يا شاكي مين يسمعك وهو فى طريقة للمنزل راكبا التاكـسى . طبعاً كان

بيستخدم خدمه اتصالات الجديده


واول ما وصل صيحو لبيت العروسه

يا خويا انت وهي

سأل علي اقرب فيشه كهرباء

علشان شحنه قرب يخلص

والد العروسه :
أهلا يابنى إزيك !!


<<صيحو >>
أهلا بيك يا عمى أنا يشرفنى إنى أطلب إيد بنتك موافق ولا لأ؟!!!!



وبعدها يا خويا انت وهي

تبادل كلا من والد العروسه ووالدتها وأخيها نظرات الدهشة

>>..... شكلها كانت عروسه باااااااااايره ....<<



والد العروسه ( مستغربا )

حضرتك بتكلمنى ولا بتكلم حد على الإنترنت

<<صيحو>>
(زي ماهو مشغول بلوحة المفاتيح)
لا يا عمى أنا بكلمك إنت هو معقولة أتكلم مع حد غيرك وأنا قدام حضرتك!!!
<< داخل بنفاق من اولها >>

والدة العروس

طب يابنى طالما بتكلمنا بصلنا طيب

<<صيحو>>

هو انا هتكلم بعيني ولا ببقي!!!!!!!!


وبعدين جه المحروس اخو العروسه الصغير

واد عنده 7 سنين

جه جنب عمو صيحو من هنا

واتبهر بالاب توب

المهم اخو العروسه الصغير اللي هو اسمه محمد


<<محمد>>

عمو هو الجهاز ده فيه العاب كتير زي اللي عندى ؟؟؟


<<صيحو>>

اه يا حبيبي واحلي من اللي عندك كمان

<<محمد>>

طيب ممكن ألعب شوية عشان خاطرى يا عمو
والنبي يا عمو العب شويه

<<صيحو>>

وسع ياض انا مش فاضي للعب العيال ده

وفكر يا خويا انت وهي صيحو في الواد وهو بيستحايل عليه

رفع عينه من علي اللاب توب لأول مره


ووشوش الواد محمد وقاله

لو خليت ابوك يوافق عليا هلعبك كتير اوى



الموهم الواد محمد طار من الفرحه

وجري علي ابوه

بابا بابا بابا

أنا موافق إن عمو يتجوز أختى الكبيرة أبلة جمالات!!!!!!




وبعدين بص الواد محمد لصيحو وقاله الف مبروك يا عمو



والد العروسه

أمشى ياد خش ذاكر مبقاش إلا إنت يا أبو ريالة الى هتوافق ومتوافقشى



المهم الواد مشي وبيعيط وعمو صيحو لسه قاعد مشغول

بالاب توب
!!!!!!!


واخيرا اتنحرر والد العروسه

وقال لصيحو انت يابني انت كمان ايه حكايتك؟؟


وظهرت علمات البرود الشديد علي صيحو


<<صيحو>>

حكاية إيه يا عمى أنا معنديش حكايات إنت عندك؟!!!


والد العروسه

انت شكلك جاي تهرج ودماغك رايق



<<صيحو>>

طيب دماغي رايق دي اوك

لكن بهرج دي 9 اوك

برووووووووود فور ايفر


والده العروسه <<طنط تفيده>>

إلا قولى يا حاج هو الجدع دة بيعمل إيه على البتاع الى معاه دة وإزاى بيكلمنا وهو بيحرك إديه الإثنين على الزراير دى كلها؟


الوالد

والله معرفشى يا تفيدة يظهر والله أعلم إنه بيكتب الكلام الى بيقوله لنا فيطلع من بقه!!!!!!!




الوالده <<طنط تفيده>>

يا ندامتى !!! معقولة دى يا حاج ؟!!



الوالد

طبعا يا تفيدة معقولة ماهو إحنا فى عصر التكنولوبيا!!! إنتى مش شفتى إزاى كان ملهوف على أى فيشة كهربا أول ما جيه لأن الشحن بتاع الكلام بتاعه كان هيخلص!


الوالده <<طنط تفيده >>

يا خويا اللي يعيش ياما يشوف!!!





على كدة يا حاج لو النور قطع هيبقى أخرس؟!!!!

الأب :


ربنا يستر وتيجى على قد الكلام مين عالم إيه الى بيشتغل عنده بالكهربا تانى !!!!!

الأم :<<طنط تفيده>>


طب يا خويا لازم لو وافقت عليه نشترى للبت كرتونة حجارة قلم عشان تبقى عاملة حسابها فى أى وقت!!!

الأب (صارخا)


: هو أنا معقولة أوافق على الآلة دى ليه من قلة الرجالة يعنى

العريس <<
صيحو>>

حضرتك بتكلمنى يا عمى::برود عيار تقيل حبيتين::

الأب


لأ يا حبيبى أنا بكلم تفيدة

العريس
<<
صيحو>>

تفيدة مين ؟

دخلت العروسة فى هذه اللحظة مكـسوفة وهى تنظر إلى الأرض وبيدها أكواب العصير ولكنها لم تلاحظ فيشة الكهرباء فإنقلبت على وجهها أرضا وإنفصلت الفيشة


وساااااااااااااااار صيحو وقام في نرفزه شديده

انتى حماااااااااااااااره مش تفتحي



إيه الى هببتيه دة إنتى إزاى تفصلى الجهاز!!


الأم ( بصوت خافت )

: يا حلاوة أهو بيتكلم من غير كهربا أهو يا حاج

الأب ( بصوت خافت )


: ماهو كان شحن على الآخر يا تفيدة افهمى بقى

ثم إلتفت إلى العريس قائلا



الوالد :


إيه يابنى قلة الذوق دى إنت بتصرخ فى عروستك وإنت جاى تتقدملها ؟!! دة بدل ما تساعدها إنها تقوم وتودها بكلمتين بعد ما فيشتك الهباب دى وقعتها



العريس :<<صيحو>>


يعنى أساعدها تقوم ولا ألحق أشغل الجهاز عشان المنتدى ما يتعطلشى؟!!




الأب:


دة جيل إيه دةهو جاى لينا منين دة!


العروسة : <<جمالات>>


من النت يا بابا من النت


الأم :<<طنط تفيده>>


الله يقطع النت والى شغالين فى النت ! يا رب تيجى عاصفة تسومانى على النت والى فيه!!!!!


الوليه دي عقابها معايا بعدين




الأب :


ممكن بقى يابنى تقفل المخروب دة وتكلمنا شوية


العريس :<<صيحو>>


خلاص يا عمى المساعد بتاعى جه بدالى دلوقتى


إلتفت الجميع حولهم يبحثون عن ذلك المساعد فضحك صيحو


العريس ( ضاحكا )


: لأ يا جماعة أنا اقصد إن المساعد بتاعى أخذ مكانى فى الشغل دلوقتي يعنى أنا دلوقتى جاهز لأى إستفسار لمدة ربع ساعة



الأب:


لا حول ولا قوة إلا بالله طيب يابنى طالما مش فاضى ليه حددت المعاد دةمش كنت تحدد معاد تكون فاضى فيه




العريس :<<صيحو>>


يا عمى خير البر عاجله

الأب:

طيب إحنا لسة متعرفناش بإسمك ولا شغلتك ولا سنك ولا شهادتك ولا أى حاجة خالص!



العريس :<<صيحو>>


الاسم:: صلاح

الشهره:: الواد صيحو

السن::23 سنه

المهنه ::مدير منتدى عيله النجعاويه


الوالد


نجعاويه ايه يا ضنايا؟؟؟؟


تكونش انت من النجع!!!



العريس<<صيحو>>


بصوت واطي برطم وقال دمك يلطش



الأم :


ممكن تشمر إيدك يا عريس الهنا*


العريس (وهو يشمر )


: ليه ياحاجة إنتى هطعمينى!!! أنا إطعمت قبل ما آجى عندكوا


الأب: ليه قالولك إننا عندنا كوليرا !!!


العريس :


لأ يا عمى أصل أنا قاعد ليل نهار فى غرفتى المكيفة الصحية فلما بروح أى داهية تانية لازم أطعّم



الأب ( بصوت منخفض )



: داهية لما تخدك يا شيخ!!!




صرخت الأم :


يابنى فهمنى إيه (صيحو) دى ... هى دى نوع ريحة ؟؟!!


ضحكت العروسة وهى تقول:


لا يا ماما دة النـك نيم بتاعه


الأم


: ال إيه يا ضنايا؟*!


العروسه :


الاسم المستعار يعنى يا ماما .



العريس :


خلاص يا جماعة أنا إسمى صلاح وعندى 23 سنة


معايا شهادات كتيرة لو قلتها لكم كلها يبقى هنقعد يومين فبلاش أحسن

وشغلتى مدير منتدى عيله النجعاويه


نظر الأب إلى صيحو وملابسه البسيطة غير المتناسقة وهو يقول


سيماهم على وجوههم !!!


العروسة ( مبتسمة ) :


بجد إنت مدير عيله النجعاويه؟؟ دة أنا مشتركة فيه من

5 شهور


العريس


: ما شاء الله بس إنتى مش ملتزمة بقوانين المنتدى ولابسة كويس وعايشة فى عيشة آخر أبهة !!


العروسة :


أنا عملت كدة عشان عارفة إن فيه عريس جاى يخطبنى


الأب:


إنت يابنى عاوزها تلبس إيه هدوم مقطعة ؟؟!!


العريس :


لا يا عمى خلاص مش مهم لما أبقى أتجوزها أبقى أقطع لها هدومها*!


الأب :


ومين قالك إنى وافقت عليك أصلا


العروسة :


ومتوافقشى ليه يا بابا دة حتى راس كبيره في المنتدي أكيد هيخلينى مميزة فى المنتدى ... مش كدة برضه يا صيحو ؟؟


العريس :


طبعا وهعينك معانا من المشرفين على قسم لوحدك



العروسة ( جمالات ) :


بجد هتعينى مشرفة على قسم لوحدى


العريس :


طبعا وهديكى أسهل وأحسن قسم فى المنتدى


العروسة ( فرحانة ) :


هييييه هتدينى قسم إيه ؟


العريس:


يا شاكي مين يسمعك!!!


العروسة ( صارخة ) :


لا أرجوك كله إلا الشكاوى


هز العريس كتفيه وهو يقول


العريس :


خلاص نفتح قسم للوفيات وأعينك مشرفة عليه


الأب:


يا ترى خلصتوا ولا لسة ؟؟


نظر العريس فى ساعته وهو يقول: أنا فعلا وقتى قرب ينتهى لأن المساعد بتاعى عنده ميعاد مهم ولازم أدخل مكانه


الأب:


أنا مش موافق على الجوازة دى


العروسة :


ليه يا بابا دة أنا


قاطعها الأب صارخا :


اخرصى يا بت إنتى وروحى ذاكرى لأخوكى


خرجت العروسة باكية غاضبة بينما إلتفت الأب إلى العريس قائلا


شوف يابنى لما تبقى تفضى للجواز إبقى تعالى إتجوز بنتى لكن طول ما إنت فى النجعاويه دة مالكش عرايس عندى

فاهمنى


العريس :


خلاص يا عمى براحتك بس إذا كان منتدى النجعاويه هو الى مزعلك أنا ممكن أسيبه

<< بعنا بالرخيص اقيموا عليه الحد>>


الأب ( فرحا ) :


بجد يابنى طيب سيبه هو فعلا الى مزعلنى لو سيبته أنا هسيبلك بنتى بدون أى كلام ... !!


شكره العريس ثم جاء إليه فى اليوم التالى ومعه نفس اللابتوب وهو يقول


أنا سيبت النجعاويه من إمبارح وإشتركت فى حاجه تانى اسمها

الفيس توك


سقط الأب على الأرض ميتا وصرخت الأم وبكت العروسة وأخيها الصغير


بينما جلس العريس فى غرفة الصالون يتابع الفيس توك




غطيني وصوتى يا فتحيه


ههههههههههههههههههههههههه هه







فقعه مرارتهم يا راجل وقضيت ع العائله بأكملها


ههههههههههههه



اتمني المقلب يعجبكم واللي ليه طار يخلصه




وانتــــــــــــــظــــــ ــــروا الجديد والجديد


منقول