الريجيم فى رمضان

السلام عليكم ورحمة ا لله وبركاته

ازيكم يا جماعه

النهاردا ، انا قلت اقول لكم انا عملت ايه علشان اخس

انتو ماتتخيلوش انا خسيت اد ايه فى رمضان اللى فات دا لا اللى قبله

انا كنت حوالى 58 او 57 كيلو ، وجسمى صغير ، يعنى قصيرة وتخينه

ودلوقتى الحمد لله طولت شويه ، فالطول فرق


على فكرة فى تمارين للتطويل

المهم

======================

بالنسبه لوزنى بعد رمضان ، كان لا يتعدى ال50 بالكتير اوى ، يعنى كان ممكن يبقى 47 48 كدا يعنى

=======================

طبعاً هو وحش بس بعدها تخّنت نفسى شويه ، وبقيت مبسوطه من وزنى ، طول السنتين اللى فاتو ، بالرياضه المستمرة ، خمس دقايق كل يوم ..

قدرت احافظ على وزنى ، بس زاد تانى ، لأنى زودت شوية فى الاكل ، فزدت فى سنيتن 5 كيلو

وان شاء الله هاخسهم تانى فى رمضان

والحمد لله انا ابتديت الريجيم من مدة كدا ، مع الصيام ، قدرت انزل حوالى 1 كيلو او 2 كيلو

يعنى فاضل لى شويه ايام وارجع تانى ، بس انا هاقولك لكم على الريجيم بتاع رمضان دا

رمضان فرصه ، لان اى حد يخس ، طالما عايزة تخسى 10 كيلو او اقل ، يبقى رمضان احسن حل

بما اننا هانصوم كل يوم يعنى :-

فى خطوات ، وكلمات تحطيها حلقة فى ودنك ، طول رمضان ، وبعدين ارميه:-

1- السحور قليل

2- الفطار قليل

3- مدة الجلوس على المائدة ، لاتتعدى سماعك للاقامة ، اقامة الصلاه

----------------------

بصى بقى

هاتبتدى اليوم كله ازاى :-

اولاً :- نصيحة نخوية ، صومى من النهاردا ، صومى حوالى عشر ايام ، واعملى الريحيم دا فى العشر ايام دول ، علشان تقدرى تتعودى على الريجيم دا ، انا بعمل كدا دلوقتى ..

ثانيا:- سحورك ، لازم يحتوى على اي نوع فاكهه ، وتمر ، وميه كتير ، ولو هاتكلى فول ، كلى ، بس قليل ، حاولى ماتشبعيش منه ، ..

لو هاتكلى مثلا اكل امبارح ، يعنى فاضل شوية رز مع شوية لوبيا ، كلى 3 ملاعق كبار شويه ..

برضه اهم جمله ((((((مش لاااااااااااااازم تشبعى)))))))

====================

ثالثاً:- طبعاً طول اليوم مش بتاكلى ، يبقى تصلى الصلوات الخمسه ، وبعد كل صلاه ، تقومى تعملى الرياضات دى وانتى صايمه ، وحاولى تجبرى نفسك انك تعملى دا ، حتى لو تعبانه شويه من الصيام اكمنك ماكلتيش ، شويه شويه والحكاية دى هاتقل ، وهاتقدرى تعملى رياضه ، اما بقى لو هاتعمل شغل البيت ، يبقى شغل البيت كافى ، بس حاولى ، انك تمسحى !!
وانك تغسلى .. وبعد ما تخلصى شغل البيت ، خشى خدى دش ، هاتلاقى الدنيا فريش من تانى..

دا كله لسه قبل رمضان :-

اما بقى وقت الفطار فدا:-

رابعا:- وقت الفطار
ايا كان الاكل اللى معمول ادامك ، اوعى تقعى فى الفخ ، دا مامتك او اللى طابخ عاملك فخ ، علشان يضحك عليكي
اولاً :-

اشربى ميه ، وبعدين كلي البلح او السلطة ، واهم ما فى الاكل ،
السلطة يا جماعه
السلطة

واعملى اوطه كدا ، قطعيها شرايح ، وبعدين تبليها بالتوم ، وحطى عليا شويه خل ..
وكلي منها اتنين او تلات اوطات ، وحاجة قليلة جدا جدا جدا من الاكل ، واوعى تبتدى بالاكل اللى معمول ، ابتدى دايما بالسلطة او البلح او الاوطة اللى اتنى عملتيها ..


هاتحسى انه بطنك اتملت .. تقمى على طول

تصلى المغرب ، وتنامى "علشان المجهود اللى انتى عملتيه طول اليوم" ((خليكي فاكرة ، دا قبل رمضان)) ...

=====================

فى رمضان :- الطبيعي اننا فى اول يوم بناكل كتير، لأن بيبقى فى عزومات وكدا ، فنبناكل عادى ، بامكانك تاخدى اول يوم رمضان دا كدا يعنى راحه ، او اجازة

وبعدين .. تبتدى تعيدي الريجيم تانى ،

السحور :- يفضل يكون فيه

لبن
زبادى
ميه
وسلطة برضه
وقليل من السحور نفسه
((فول او طعميه او اى اكله تانيه))

طول اليوم ، لازم تعملى مجهود .. وتصلى الخمس صلوات ، لأنها بيها ممكن تقدرى تستعيدي يومك كل ما تقل بركته ، ولو مافيش مجهود بيتعمل يبقى الصلاه ، وتنضيف البيت ، قومى انتى كل يوم الصبح ، او بليل ، روقى البيت كله ونضفيه ، وامسحى ، ووطى بجسمك ، مش لازم المسّاحة ام شراشيب ..

بعد كدا ، تصلى الصلاه اللى عليكى ، وتنامى على السرير شويه ، ترتاحى يعنى ، وبعدها
تقومى خمس دقايق تعملى رياضه

=================

جيبي رياضه من على اليوتيوب...

واعمليها

=================

وبعدين على الفطار ، امنعى نفسك من اى اكل فيه زيت كتير

واملى بطنك فى الوقت دا ، بالبلح ، والاوطه والسلطة عامة ..

والمية ، هاتقولى لى انك هاتجوعى بعد شويه ..

تعالو نعمل خطة:-

انتى بعد المغرب ، وبعد ماتقومى تصليه ، وتتفرجى على بكار والمغامرون الخمسه ، وظاظا وجرجير ..

تلاقى العشا بتدن ، ومن هنا هاتبتدى بقى اليوم الحقيقى فى الريجيم ..

تصلى العشاء والتراويح .. وترجعى البيت تقرى الجزء اللى عليكي من القرآن ، ودا كله من غير اكل بعد الفطار ، وبعد شويه من التراويح وكدا بتكون الساعه بقت 11 او 10 كدا يعنى ، تبتدى تاكلى ، بس برضه ، تاكلى سلطة فواكه مثلا ، تاكلى بلح منقوع فى ميه .. تاكلى زبادى عليه عسل ، او تشربى كوباية كاكاو ، مش هايفرق فى حاجه الكاكاو ، وقبل ما تنامى ، تجيبي ربع رغيف عيش عادى.. بتاع المخبز يعنى ، وتحطى عليه عسل وتاكليه ..

الممنوعات:-

1- النوم طوال اليوم "صيام المخده" !!
2- شرب اى نوع من انواع البيبسى او الكولا !!
3-اكل البلح قبل ما تنامى علشان غلط على لاصحه والنبى قال عليها وهاحاول اجيب الحديث!!
4- ممنوع التمثيليات فى رمضان ، لأنها تخليكى قاعده ادام التليفزيون ، وانتى بتاكلى اى حاجه ، او تلاقى نفسك بتاكلى وانتى مش حاسه .. ودا حقيقي على فكرة ..الواحد ساعات بيتستطل ادام التليفزيون

محاولات:-

1-كل مجهودك يبقى فى ميه "غسل ، طبخ ، مسح ،..."
2-ماتنزليش فى ايام الحر كتير ، وماتتعرضيش للشمس ..
3- حاولى تبعدى اى حاجه فيها زيت كتير او زبده كتير ، واوعى تمنعى نفسك تماما عنها ، لأنك كدا ممكن يحصلك حاجه ، احتمال تعيدي فى المستشفى ، واحتمال ماتعيديش ههههههههه
4- حاولى تخلى العشا قبل النوم بحوالى ساعتين تلات ساعات ، والعشا يكون بيض او جنبه ، او حتى بيض مقلى ، بس بسمنة او زبده قليله ، او زيت حتى ، بس تكونى انتى اللى عاملاها ، علشان تبقى عارفه كمية الزيت اللى هاتحطيها ..
او ممكن العشاء يكون البان ، يعنى لبن ، كاكاو ، زبادى بالعسل .. كدا يعنى

=================

وبعدا تقدرى تخرجى من اول عشر ايام فى رمضان وانتى لوكس ، هتلاقى جسمك زى الفل ، وبعدين اوعى ترجعى تاكلى عادى ، لحسن تردى ، .. لا

ترجعى تاكلى عادى ، بس قليل ، يعنى تاكلى من اللى كنتى ممنوعه عنه ، يعنى لو هاتاكلى لحمة او خضار ، لوبيا فاصوليا ، الكلام دا .. تاكلى منه ، بس تلات اربع معالق كبار ،

وافتكرى:-

1-تقومى قبل كل اللى قاعدين على الاكل ..
2- تقومى قبل ما الاقامة تدن .. ولو اتدنت عليكي ، قومى على طول ..
3- كلى البلح اول ما تفطرى ، يعنى تفطرى عليه ، وتاكليه فى وسط الاكل ، وتاكليه بعد الاكل..
4- كلى سلطة كتير ، وسلطة فواكه ، او تاكلى الفاكهه نفسها ..
5- مش لازم تشبعى

بس

انا عملت كدا ، ومع الرياضه ، والله ما حسيت بتعب جامد ، والاحسن انك تبتدى صيام من دلوقتى ..
علشان ماتتعبيش فى رمضان ..

بس كدا

يلا سلام