*&&&%%%...... هأعيش بيك حتى لو مع الأحزان ......%%%&&&*




وعدها ياما بالأحلام
ماهى إستحملت كتيرر أحزان


قاللها: بكرة أكيد أجمل
وتعالي ننسى الحرمان


وكفاية نبكي ونتألم
وكفاية نوح وأشجان


إرسمي على شفايفك بسمة جميلة
تملى حياتك سحر وألوان


وتعالي نتخيل سوا
ونعيش في أجمل مكان


بيت فيه الشموع
بدل الدموع بتنور كل الأركان


بيت جميل .. بسيط وصغير على قدنا
وبيطُل على أحلى بُستان


فيه أشجار .. نباتات وورود
زاهية وبأجمل ألوان


ريحان .. فُل .. ياسمين وعنبر
عطرهم غامر المكان


والورد البلدي مرصوص إيه
ولا لوحة أبدع فنان


وطيور وعصافير تغرد
والفراشات حوالينا في كل مكان


وحصان أبيض بيطير بجناحين
على بساط وردي حرير مش كتان


وهي فوقيه فرحانة
بتغني بأعذب ألحان


كأنها حورية من الجنة
ولابسة اروع فستان


وحاجات تانية جميلة وكتيرر
مش حتى في الحُسبان


صدقته قوي وإبتسمتله
راحت عليه سابقها شوقها ولسة هتاخده بالأحضان


لقيت خيبته راكبة جمل
وحتى الجمل كان هلكان






وقفت مذهولة وسكتت
إتصدمت .. جريت لأبعد مكان


قالت: مكتوب عليا أعيش وأحزاني
ملازماني وفي قلبي طي الكتمان


لكن فجأة صرخت: لاااااااااااأ
هأعيش بيك ياأملي الهيمان


ولو خِبت أو تُهت ومش شايف
لو حتى إختل توازنك ووصلت للهذيان


حتى لو مجروح .. مدبوح .. بهتان
لو حتى مُت هأصحيك من تاني بحنان


هأشيلك بين إيديا وأجبُر كسرك وأداويك
وهأعيش بيك حتى لو مع الأحزان


هأخليك رفيق دربي
وهأقويك لو كنت يأسان


ولو ضلمت كل الدروب
وعنيا ملاها الدبلان


هأحُط إيدي في إيدك
وهنمشي نتلمس خُطانا برفق وحنان


مرة تسرع .. مرة تبطئ .. لو حتى مرة تتوه مش مهم
المهم نمشيها سوا ما نفترقش لحد ما نوصل لبر الأمان


ومهما إن كانت الظروف
لازم أعيش وقلبي بيك مليان


بس في ربنا وحده
مش في حد ولا أي إنسان


وعُمر ربنا ما هيضيعنا
طول ما هو السند وعليه إعتمادنا والتُكلان


واللي هيصبر ينول
ده مثل قالوا عليه زمان


والصبر آخرته خير
حتى لو ضاق النَفَس والمكان


ولو حتى بِعِد الطريق
وحتى لو طااال الزمان