كل سنه وانتم طيبين
ازيكو ياقمرات عاملين ايه
طرقعت ف دماغى فكره بس مش هعرف اعملها لوحدى وطبعا محتاجه معايا كل الهوانم اللى موجودين ف النجع
الفكره اننا نعمل مواضيع عن سفرتنا ف رمضان وتكون من بيتنا احنا
يعنى ايه ؟؟؟
هقولكم
ف كل النجوع اللى حوالينا يوووووووووه قصدى المنتديات العضوات ف رمضان كل واحده منهم بتقدم هيا عملت ايه عالفطار ف رمضان وتعرضه ف المنتدى
قلت ايه نعاااااام و ليه وهما احسن مننا ف ايه
احنا كمان ستات بيوت وزى الفل منعملش ليه ف النجع السفره دى
اهو نطلع مواهبنا وف نفس الوقت نستفيد من بعض
وطبعا الحمد لله لقيت معايا ف النجع ستات حلوه زى صافى حسام وكبر دماغك وام عائشه ومستنيه الفرج ومعلش لو نسيت حد وطبعا مايمنعش البنوتات يشتركوا معاما ف الموضوع ده
عموما نشوف الردود والتفاعل ونتشاور هنعمل الموضوع ده ازاى
والله يكرمكم علشان خاطر ربنا نفسى بجد تتفاعلوا معانا ف المطبخ والله هنلاقى مبدعات
ويلا مستنيه الردود والتفاعل علشان نكمل الموضوع ونرتبه ونوزع المهام علينا