السلام عليكم و رحمة الله و بركاته
ازيكم يا نجعاوية كلكم نجعاوى نجعاوىو نجعاوية نجعاوية.
كل عام و انتم بخير و ربنا يبلغنا رمضان و يجعلنا من المقبولين فيه ..امين يا رب
ادخل بقي في الموضوع.
كترت جدا في معظم المنتديات اللي بتسألك
انت بتحب مصر؟؟؟؟؟؟؟؟
و سبحان الله تبقي مصيبة لو رديت و قلت بحبها
يا داهية دقي الحق دا منافق .............
ازاى بتحبها و كل حاجة فيها ظلم و غلط و ظلام
و مفيهاش و لا حتى شمعة تنور
في ايه يا جماعة طب انا بحبها
و اكيد انا عايشة فيها مش في كوكب تانى
و شايفة ك حاجة
بس عايزة اسال اللي هيقولى بتنافقى
بنافق مين بالظبط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
هو ده السؤال
و على فكرة انا زيى زي غيرى اتظلمت.
لما اكون واخدة بكالوريس علوم و تقديرى جيد
و اروح المسابقة و نمتحن كلنا مع بعض
و ابقي احسن واحدة جاوبت
و في اخر اللقاء يسألنى والدك شغال ايه؟؟؟؟؟
و ابويا راجل غلبان و طبعا انتوا عرفتوا اكيد ان اللي اخدت الشغلانة تبقي اكيد ايه ؟؟
تفتكروا مزعلتش لا طبعا كنت هموت من ألم و مرارة الظلم
بس بردوا بلدى ذنبها ايه .
و بعدين هو احنا احسن من رسول الله صلى الله عليه و سلم
لما اذوه و طردوه من مكة
قال ايه صلى الله عليه و سلم.....
عن ابن عباس قال : قال رسول الله صلى الله عليه وسلم لمكة : ما أطيبك من بلد ، وأحبك إليَّ ، ولولا أن قومي أخرجوني منكِ ما سكنتُ غيرَك .

يا جماعة عيدوا تفكير و ما تقولوش مش بنحب مصر
احنا مش بنحب المتحكمين في مصر
اسفة انى طولت عليكم
بس انا بحب مصر
و عمرى ما اتمنى اخرج منها
الا لو هندفن في البقيع