السلام عليكم


اخوتى واحبتى فى الله
ازيكم يا رب تكونو فى احسن حال
اليوم فى عضوين اصدقاء كانو جايين يقابلو النجعاوية مع بعض
وحصل معاهم حبت مواقف زى العسل
عايزين تعرفو مين هما طيب
العضوين يبقو تيفا ومردونا

بعد ما تيفا خلص امتحانات والحمد لله
جالو مردونا واقترح عليه انهم يروحو اسكندرية
يقعدو يومين هناك وانه هيحاول ياخد العربية بتاعة اخوه الكبير
الفكرة عجبت تيفا ووافق على الفور
وعدى يوم والتانى وتيفا ومردونا بيجهزو لرحلتهم الجميلة
وجه وقت التنفيذ
وكانو متفقين انهم هايتقابلو الساعه 4 يصلو الفجر ويتكلو على الله
وفعلا اتقابلو وصلو الفجر
وراح مردونا علشان يجيب العربيه من الجراج
ووقف تيفا مستنيه
لحد لما جاله مردونا
يلا يا تيفا اركب
تيفا:متأكد ان العربيه مش محتاجة بنزين ولا اى تظبيطات
مردونا:ياعم يلا انا عارف عربيتى
تيفا:طيب
وركب تيفا العربية
مردونا:توكلنا على الله
ومشى متجه الى طريق الاسكندرية

وفى الطريق
تيفا:انا عايز ادخل على المنتدى اظبط شوية حاجات
مردونا:ياعم انت مش قايلهم انك هتغيب اسبوع
تيفا:اصل المنتدى وحشنى اوى
مردونا:يا تيفا دحنا سهرانين عليه لحد قبل ما نمشى بساعه
والناس كلها سلمو علينا وخلاص
تيفا:لا ياعم انا هدخل من على الموبايل اشوف حاجة
مردونا طب اصبر لما نوصل وبعدين نقعد فى اى سايبر
تيفا اقتنع بالفكرة وسكت

بعد حوالى ساعه مضت من الطريق
تيفا: ما تشد حيلك شوية يا مردونا
مردونا: يعنى اعملك ايه ياعنى يا تيفا
مانا ماشى اهو
تيفا:هو انت كده ماشى يا راجل قول كلام غير ده
دحنا محصلناش ولا عربية على الطريق
ولا عربية كارو حتى
مردونا: خلاص ياعم مش عاجبك تعالى سوق انت
تيفا:خلاص يا مردونا انا كنت بهزر معاك
مردونا: خلاص اسكت بقى خلينا نوصل على خير

وبعد مرور ساعة كمان
تيفا: مردونا حرام عليك بقالنا ساعتين ونص
ولسه مجبناش نص الطريق
مردونا: ما الطريق هو اللى طويل اعملك ايه
تيفا: ياعم طويل ايه ده الطريق كله على بعضه الطبيعى بتاعه ساعتين زمن
ولو واحد بايعها هياخده فى ساعه
مردونا:ليه يعنى راكب طياره
تيفا:خلاص يا مردونا سوق وانت ساكت يارب نوصل بقى

والحمد لله بعد اربع ساعات من المشى المتواصل وصلو
تيفا: اركن العربيه فى اى مكان وتعالى نروح نشوف شقه ونرجع ناخد العربيه
مردونا:اوك يلا
__by_crula.gif" border="0" alt="" title="What By Crula" class="inlineimg" />
وبعد ما ركن مردونا ونزلو من العربية لقو واحد جاى يقولهم عايزين شقه
تيفا: اه
الراجل: طب تعالو على راس الامه هنا هنوقفو تاكسى ونروحو نشوفوها
مردونا : لا احنا معانا عربيه
الراجل: طب كويس يلا بينا

ووصفلهم الراجل الطريق
ووصلو للشقة وخلاص اتفقو مع الراجل وكلو تمام

مردونا: يلا ياتيفا نطلع الشنط بقى ونريحلنا شوية وبعدين نقوم نشوف يومنا
تيفا : لا نروح زى ما وعدتنى الاول
مردونا: ايوه بس الساعه لسه 9 الصبح مش هتلاقى حد فاتح
تيفا: ياعم تعالى ندور
مردونا: تيفا والله انا تعبان جدا ومش قادر اعمل اى حاجة
تيفا: خلاص يا مردونا اما نشوف آخرك
بس اول ما نصحى نروح على طول
مردونا: اه طبعا اومال ايه

وطلعو طلعو الشنط وكل واحد راح على سرير
ونامو وهما مش حاسين باى حاجة
فضلو نايمين لحد الساعه 3 العصر
وطبعا تيفا هو اللى صحى الاول
وراح على مردونا علشان يصحيه

تيفا: مردونا اصحى انت يابنى يلا الساعه بقت 8 المغرب
يلا يامردونا قوم بقى
مردونا: ايوه ياتيفا قومت خلاص

وقام مردونا يبص فى الساعه لقاها 3
مردونا: ماشى ياتيفا بتشتغلنى
بس مردونا قلبه حنين وبينسى بسرعه

قعدو هما الاتنين طلعو بعض المعلبات اللى كانو واخدينها من القاهره
وفطرو مع بعض
وقام تيفا بسرعه علشان يلبس
وف اقل من 5 دقايق كان تيفا غير وخرج لمردونا

تيفا: ايه ده يا مردونا انت لسه قاعد يلا قوم غير
مردونا: حاضر هقوم بس هنروح على فين
تيفا: على اقرب سايبر طبعا
مردونا: حاضر يلا بينا

ونزلو هما الاتنين
فضلو يتمشو لحد ما لقو سايبر
راحو قاعدين وهما الاتنين فتحو
منتدى عيلة النجعاوية
تيفا: ياد يا مردونا انت شوفت الموضوع ده
مردونا: انهى موضوع
تيفا: بتاع مقابلة النجعاوية
مردونا : لا انا بشوف حاجة تانية
تيفا: طب سيبك من اللى انت بتشوفه واقرء الموضوع ده
مردونا: قوللى بس الموضوع بيتكلم عن ايه وانا هخلص وادخل اشوفه
تيفا: طب يا سيدى اسمع
بيقولك هيعملو مقابلة بين النجعاوية كمان 3 ايام
وهتكون فى رمسيس الساعه 2 الظهر
مردونا: يا راااجل !!!
تيفا: اه والله وكل النجعاوية رايحين
انا هكتبلهم رد اعرفهم انى هروح
مردونا: ايوه يا تيفا بس المقابلة دى هتبقى ف اليوم اللى هنروح فيه
تيفا: ايوه مانا عارف وبدل ما هنمشى ف اليوم ده بالليل
نمشى اليوم اللى قبليه الفجر
مردونا: يعنى كده هنقعد يومين بس هنا
تيفا: اه وماله يومين من 3 مفرقتش
مردونا: خلاص براحتك اللى تشوفه
تيفا: طب خلاص انا هدخل اكتبلهم رد وانت كمان ادخل رد على الموضوع ده
مردونا: طب ماشى

وردو الاتنين النجعاويه على الموضوع
وارتبطو بالموعد المحدد

وبعد كده راحو بقى علشان يعيشو يومين المصيف
وقضو يومين فى منتهى الروعة

وجاء وقت الرحيل
اللى كان تيفا بيتلهف لليوم ده
على عكس مردونا اللى كان عادى بالنسباله

وطلعو الشقة وجهزو شنطهم وكله تمام
وراحو نازلين علشان يمشو
وكانت الساعه 10 صباحا
يعنى ماشيين براحتهم على الاخر
لسه اربع ساعات على ميعاد النجعاوية

واتكلو على الله وركبو العربية وراحو على الطريق المؤدى الى القاهرة
وهم فى الطريق
تيفا: اخيرا هنقابل النجعاوية
مردونا : اه
تيفا : بقولك ايه بقى يا مردونا شد حيلك شوية مش عايزين نروح ف اربع ساعات زى ما جينا
مردونا : ربنا يسهل يا تيفا
وفضل مردونا ماشى ف الطريق
وتيفا سرحان مع نفسه ولا ف الدماغ

وفجأة مردونا بيبص من بعيد لقى عربية واقفه وجمبها اتنين
مردونا : بص ياتيفا فى ناس واقفين شكل عربيتهم عطلانه ماتيجى نساعدهم
تيفا : يا مردونا احنا ورانا ميعاد
مردونا : ياعم نشوفهم بس لو محتاجين مساعده اهو نكسب فيهم ثواب
تيفا : خلاص براحتك
وجه مردونا عند العربيه وراح راكن
ونزلو الاثنين
وراحو على العربية
وكان جمبها اتنين شباب

مردونا : اى مساعده
رد واحد منهم : البنزين اللى معانا خلص وعايزين بنزين
مردونا : طب ممكن حد منكم يجى معانا لاقرب محطة بنزين
رد التانى وقال : لا انا عندى فكره احسن
تيفا : ايه هى
قاله : احنا ناخد من عندكو شوية
مردونا : لا والله انا آسف مش هينفع
وبيبصو لقو ثلاثة كمان خارجين من العربية
وواحد منهم بيقول : لا هينفع
وساعتها ادرك كلا من تيفا ومردونا انهم فى خطر
تيفا : يعنى ايه مش فاهمين
رد واحد منهم : يعنى بالذوق طلعو اللى معاكو وهناخد شوية البنزين وتمشو سلام
مردونا : لا اوعو تفتكرو علشان احنا اتكلمنا معاكو بالراحه يبقى احنا خايفين ولا حاجة
(وهو من جواه بيتنفض)
قاله : بقولك ايه ياد انت وهو يظهر ان الكلام مش هيجيب معاكو نتيجه
وللاسف ردهم مكانش بالكلام

وبعد مرور نصف ساعه من النقاش اليدوى
استسلم كلا من تيفا ومردونا للامر الواقع
ويا ريتها جت ع البنزين وبس
لا ده بنزين وفلوس ومحافظ وموبايلات وكل حاجه
وسابوهم ومشيو

تيفا : عاجبك اللى احنا فيه دلوقت
مردونا : معلش يا تيفا الحمد لله انها جت على قد كده
مردونا : تعالى نجرب كده ندور العربيه يمكن تمشينا لحد اقرب محطة بنزين
تيفا : تعالى
وركبو العربيه والحمد لله دارت
ومشيت وبعد ما مشيو بحوالى اتنين كم
لقو ظابط بيوقفهم

الظابط رخصك
مردونا : احنا والله اتسرقنا واحنا ماشيين فى الطريق
الظابط : اتسرقتو !!!
ومالكو مبهدلين كده ليه
انتو شكلكو متشردين وسارقين العربيه دى
اركنلى ياد على جمب

وراح مردونا وهو مجبر وركن العربيه على جمب
شوية وراحله الظابط
قولتلى بقى حكايتك ايه
مردونا : احنا كنا جايين من اسكندرية
فجأة لقينا عربية واقفه على الطريق وجمبها شباب
قولنا ننزل نساعدهم
سرقو مننا كل حاجة
وسابونا ومشيو
الظابط : اه مانا بسمع الكلام ده كل يوم
طب خليكو واقفينلى هنا شوية

ووقفو وهم مضطرين مفيش حاجة فى ايديهم يعملوها
وطبعا الجو كان حر جدا

وبعد حوالى ساعه ونصف تيفا بيحط ايده فى جيبه علشان يطلع منديل
لقى كارت فى جيبه
بيبص فى الكارت لقاه بتاع ظابط صاحب اخوه الكبير
راح قايل لمردونا
تيفا : مردونا بص لقيت ايه
مردونا : ايه ده
تيفا : ده كارت من نقيب صاحب اخويا
مردونا قعد ينده على الظابط لحد لما رد عليه
مردونا : حضرتك ده كارت من ظابط صاحب اخو تيفا
الظابط بص فى الكارت وقالهم
طب ما ممكن تكونو لقيتوه فى الشارع
تيفا : حضرتك ممكن تتصل وتسئله
الظابط طب وماله نتصل
واتصل الظابط وتاكد انهم عارفين النقيب ده فعلا
وقالهم خلاص تقدرو تمشو
وهم ما صدقو راحو رايحين راكبين العربيه
ونسيو يقولو للظابط انهم مش معاهم بنزين

تيفا : يلا يا مردونا بقى اجرى شوية علشان نلحق ميعادنا
مردونا : اه صح فكرتنى
والعربيه عملت باصلها معاهم ومشيت بالظبط
ثلالة كم
وراحت واقفه

تيفا : وقفت ليه
مردونا :انت ناسى ان العربيه مفيهاش بنزين
تيفا : طب والحل ايه
مردونا : يعنى اعملك ايه دلوقت
تيفا : شوف اى حل يا مردونا

وطبعا لسه بيتخانقو على اللى يشوف حل
ومفيش حد راضى يقفلهم
والدنيا بدأت تليل عليهم هناك

والنبى يا جماعه حد يروح يجيبهم
ويفك زنقتهم
..
والى اللقاء مع عضو جديد وهو رايح يقابل النجعاوية