السلام عليكن جميعاً حبيباتى

طبعاً لا يخفى عليكن إن احنا يا عينى اللى بتطلع عنينا فى المطبخ فى رمضان إشى أكل وشرب وعصير وبلح وخضار وسلطة ولحمة وصوانى ومحمر ومشمر ووووووووو اللى انتوا عارفينه طبعاً

طيب إيه رأيكم لو نحتسب أثناء إعداد الإفطار إننا بنعد إفطار للصائمين وبكده إن شاء الله ناخد ثواب إفطار الصائم ويكون وقتنا فى المطبخ بحسنات مش ببلاش

وكمان طول ما احنا واقفين فى المطبخ لا يتوقف لساننا عن الذكر وثوابه عظيم إن شاء الله فى رمضان والله يضاعف لمن يشاء

أتمنى لو تشاركونى الفكرة وتجددوا النية فى رمضان كل شوية

وبلغنا الله وإياكم رمضان وبارك لنا فيه وتقبل الله منا ومنك صالح الأعمال