فى البداية احب اقول لكل النجعاوية كل سنة وانتم طيبين ورمضان مبارك عليكم جميعا
وربنا يبلغنا رمضان ويتقبل منا صيامنا وقيامنا باذن الله ويجعلنا من عتقاء هذا الشهر المعظم ان شاء الله


فكرنا فى فكرة مسابقة جديدة ومتعملتش قبل كدة
قولنا نكسب ثواب كلنا ونتعلم ونكسب جوايز وشهادات تقدير كمان للمشاركين

وهى مسابقة القران الكريم

المسابقة هتكون كالاتى :

هنحط كل يوم اية وانت عليك انك :

1- تجيب تفسير الاية
2- تجيب اسم السورة اللى ذكرت فيها الاية
3- تقول وردت فى انهى جزء من اجزاء القران
4- رقم الاية

والجوايز المرة دى مش هتكون تقليدية
يعنى هيكون ان شاء الله فى شهاة تقدير للاعضاء اللى كسبوا فى المسابقة واللى شارك كمان ومكسبش وكفاية انه حاول ودور وقرأ
وان شاء الله كمان هتكون فى جايزة مفاجئه لكل الاعضاء بس دى هنعلن عنها ان شاء الله قريبا باذن الله
واعتقد ان ان شاء الله الجايزة دى هتكون مفاجئه هتعجب كل الناس
فى كل الاحوال الكل مستفيد ان شاء الله
هنتعلم كل يوم اية وكمان شهادات تقدير وكمان المفاجئه الكبرى فى الاخر بقى اللى باذن الله هتعجب الناس كلها

بالنسبة للاجابات ان شاء الله هتتبعتلى على رسالة خاصة فى المنتدى هنا
باذن الله
يلا يانجعاوية كلنا فى الشهر المبارك اكيد بنختم المصحف ان شاء الله خلينا كمان نتعلم التفسير ومعنى الاية
يلا ورونا علو الهمة
وربنا يجازيكم كل خير مقدما
وان شاء الله انت معانا فى المسابقة دى كسباااان كسبان
وربنايوفق الجميع يارب
والسلام عليكم ورحمة الله وبركاته