السلام عليكم ورحمة الله وبركاته
ازيكم يانجعاوية يارب تكونوا بخير وفى ظل رعاية اهلكم دايما متهنين

مين بيحب الخير ؟ مين نفسه يعمل خير ومش لاقى فرصة؟ مين بيحب يساعد الغير؟
انا شايفكم كلكم بتقولوا انا فى نفس واحد
ماشاء الله اكيد كلنا جوانا خير اكيد نفسنا نعمل حاجة تنفعنا
كلنا اكيد بنحب نبينا محمد صلى الله عليه وسلم ونفسنا نكون معاه فى الجنة
طيب ياعم بعد الرغى ده كله قولى ازااااااااى؟

حاضر هقولك اهو

فى حديث عن الحبيب المصطفى بيقول

قال الرسول لى الله عليه وسلم "أنا و كافل اليتيم في الجنة هكذا و قال بإصبعيه السبابة و الوسطى
الراوي: سهل بن سعد الساعدي المحدث: الألباني -المصدر: صحيح الأدب المفرد - الصفحة أو الرقم: 101
خلاصة الدرجة: صحيح

وهي من أعظم أبواب الخير التي حث عليها قال الله تعالى ( يَسْأَلُونَكَ مَاذَا يُنْفِقُونَ قُلْ مَا أَنْفَقْتُمْ مِنْ خَيْرٍ فَلِلْوَالِدَيْنِ وَالأقْرَبِينَ وَالْيَتَامَى وَالْمَسَاكِينِ
وَابْنِ السَّبِيلِ وَمَا تَفْعَلُوا مِنْ خَيْرٍ فَإِنَّ اللَّهَ بِهِ عَلِيمٌ ) . (215)البقرة


الطفل اليتيم


طفل فعلا يستحق مننا كل الرعاية والاهتمام محتاج يحس ان كل الناس اهله محتاج يحس انه مش لوحده فى الدنيا
عايزين نروح له نقوله انا اخوك انا اختك وانا مامتك وباباك
اوعى تفتكر ان بس الطفل اليتيم هو اللى محتجلك لا ابدا انت محتاجله اكتر بكتييييييييييير
محتاج انك ترقق قلبك
محتاج انك تحس بنعمة ربنا عليك وتقول ربنا يحفظلى ابويا وامى
محتاج انك تاخد ثواب كبيييييييييير
وكل ده فى زيارة مش هتكلفك حاجة خالص غير انك بس تديهم ساعتين من وقتك
تلعب معاهم تضحك فى وشهم تمسح على راس طفل يتيم
كل ده ثوابه كبير
وفى ساعتين بس تاخد الاف الحسانات من غير تعب ولا مجهود
اقعد وفكر وحط نواياك وتعالى زور طفل يتيم
حط نيه ادخال السرور على قلب مسلم
حط نيه انا وكافل يتيم كاهتين فى الجنة
اشكر ربنا على نعمه عليك
نوايا كتير لو فكرت هتلاقيها جواك
استمتع بمساعدة الغير

اكبر فرحة انك تحس انك كنت السبب حتى لو لمجرد ابتسامة على وش طفل بجد هو محتاجها
طفل ممكن الدنيا تقسى عليه
الخير بيناديك فرصة متضيعهاش من ايديك
مستنين نشوف مين عنده استعداد
من فكر وقال مش هفوت الفرصة علشان ننظم وننزل التفاصيل
وجزاكم الله كل خير وتقبل الله منا ومنكم صالح الاعمال
اللهم اجعل كل اعمالنا خالصة لوجهك الكريم