والله أنا خايف

يجي يوم نحكي

للأطفال ونقول

كان ياما كان

من سبعتلاف

نهر كان هنا موجود

المفقود اسمه النيل

لمصر المنهوبة

يجي من سفر طويل

يحط الرحال والحال

كان عال العال

ياما شربت منه دواب

وناس من كل الأجناس

وطيور رايحة وجاية

والسمك فيه اشكال والوان

على ضهره تتمختر الشراع

دي رحلة حب وردية

ودي رحلة مدرسية

كان للكل خير صديق

وسرك معاه في بير

بس ابو جلمبو وام اويء
طمعوا فيه وقالوا ليه

ما يكون لينا نصيب

شدو العزم وهات يا تدبير

وعمل مؤامرات على حقوق دول النيل

والمسئولين نايمين

في العسل نوم

وكل شئ عندهم تمام ومظبوط

والله أنا خايف يجي يوم

نحكي للأطفال ونقول

كان يا ما كان