( 1 )


كل يوم بنزيد نضال رغم السجن والإعتقال
رغم السجن ورغم السور لازم مصر تشوف النور
رغم القهر والزنازين مصر آهي طالعة بالملايين
قول يا وزير للحرامية وصلوا عندك كام عربية

الإرهاب أنت اللي زرعتة ذليت الشعب وجوعتة
جايين تتشطروا علينا والصهاينة واخدين سينا

غور في داهية يا مبارك كل الشعب إنكوي بنارك
عايزين مصر تشوف حرية مصر العدل والإشتراكية
آدي مطالبنا وآدي مبادئنا :
إفراج فوري عن زملائنا ربط الأجر بالأسعار
وقف تشريد العمال وقف طرد الفلاحين

إصحي يا عامل قوم يا فقير مصر بتحلم بالتغيير

للقضاه ألف تحية من أسوان لإسكندرية
شدو حيلكو يا قضاه إحنا معاكو علي الطغاه
إستقلال القضاء لجل حماية الشرفاء

جينا نقول للقاضي معاك ضد سلطة بتتحداك

وآدي الصورة بكل وضوح إحنا حاكمنا نظام مفضوح

سيب إخواتنا المعتقلين يا اللي حاكمنا بالزنازين

قاعدين لما تفرجوا عنهم إحنا شركا في نضالهم

قاضي يا قاضي شد الحيل الحرية طريقها طويل
يا اللي واعدنا بالرخاء مصر بترجع للوراء

كل العسكر بلطجية دولا بيحمو في الحرامية

يا نظام مبارك خلاص زهقنا حكم الطوارئ حكم اللصوص
ما بقاش في جيبنا ريحة الفلوس

غور يا مبارك أنت وهمة عايزين ثورة تشيل الغمة

وآدي هتاف كمال خليل :
يا بلدنا يا تكية يا وسية لجمال والحرامية
ولإيمتا يا بلدنا هنعيش ع الطعمية
. والعسكري مظلوم في الجيش - ياكل عدس ويلبس خيش
والضباط البهوات- دولا حارمينكو من الاجازات - دولا بياخدو بالالوفات
دولا عشيتهم علي الإتاوات - وأنتوا عشيتكوا علي الفتات - سايئينكم زي الألات
إضرب إضرب في الظباط


00000000000000000000000000000000000000000000000000 000000

(2 )

بإسم السبعة مليون عاطل كل الحزب الوطني باطل( النظام في مصر باطل )

مصر عايزة ثورة حرة تحكي أن العيشة مرة
ثورة طالعة بالغلابة يعملو مصر العدالة
ناسها قادرة علي القوالة
قولي يا بهية وقول يا حسين خير بلادنا رايح فين
رايح للشعب الفقير ولآ للباشا الكبير

بص إتفرج شوف الحالة طبقة حاكمة وعايشة عوالة
وأدي سياستهم ع المكشوف جوع وبطالة وزرع الخوف
وعشان يكبر رأس المال نازلة بتدبح في العمال


بإسم سياسة الإنفتاح سرقو العامل والفلاح
اللي يوافق علي القوانيين يبقي خاين للملايين

بالقانون 203 خلو العامل ع البلاطة
راح هنقولها بصرخة قوية لاْ لسياسة الحرامية
بالقانون بينهبونا بالقانون بيركعونا
القانون خدام المال ضد الفلاح والعمال


سامع صوت المكن الداير بيقول بس كفاية مذلة
نفس الصوت اللي ف حلوان بيقول شدي الحيل يا محلة

إصحي يا عامل مصر يا مجدع وإفهم دورك في الوردية
مهما بتشقي مهما بتتعب تعبك رايح للحرامية

عيطي يا بهية علي القوانين مصر آهي جاعت بالملايين
بعد ما سرقوا الفلاحين دبحو العامل بالقوانيين ( عمال مصر مشردين )
عيطي يا بهية علي القوانيين مصر أهي عاشت في الزنازين

إحنا العمال طالعين طالعين طالعين هنغير في القوانيين
يا عمال مصر إتحدو ضد السطة اللي بتدبحكو

حق الإضراب مشروع مشروع ضد القهر وضد الجوع
الإضراب هوة سلاحنا ضد السلطة اللي بتدبحنا
راح هنقولها سنيين وسنيين عاش كفاح الفلاحين
عاش كفاح كل العاملين عاش كفاح الشقيانيين

بإسم قانونهم المصنوع حق الإضراب بقي ممنوع
فصل العامل بقي مشروع نهب العامل بقي مشروع

بقت الصورة واضحة صريحة نص العمال بقي سريحة
القانون دا بيخدم مين يخدم عز وأبو العينيين
مش عمالنا الشقيانيين ولا أهالينا المنهوبين
دا إحنا يا ناس قضايانا كتير بالثورة يكون التغيير
أيدي في إيدك للتغيير
حزب الطبقة العاملة طالع من المصانع والمزارع
حزب الطبقة العاملة جي يعمل ثورة وينشر ضي

يا مجلس شعب صباح الخير دانت رئيسك ملياردير
يا مجلس شعب صباح الطين د انت وزيرك عجل سمين
قولي يا مجلس للبهوات ليه سكنا الجبانات

لن يحكمنا البنك الدولي لن يحكمنا الإستثمار
وآدي شروط البنك الدولي جوع ومذلة وغلا أسعار


00000000000000000000000000000000000000000000000000 000

(3)

لا التوريث ولا التجديد مصر عايزة نظام جديد
يا سكان قصر العروبة إحنا ولاد مصر المنهوبة

قول يا مبارك يا مفلسنا انت بتعمل إيه بفلوسنا
حسني مبارك الطيار ليه في سويسرا 200 مليار
قول يا مبارك قول وحياتك جبت منين ملياراتك

يا بنوك سويسرا إحنا إتسرقنا عايزين فلوسنا
خدها الحرامي حسني ونظامة

ليه بنقول لأ لمبارك علشان طول الحكم طوارئ
علشان شّرد في العمال علشان سرق الفلاحين
علشان جوع ف الملايين علشان ملايين العاطلين
والعمالة للصهيونية والعمالة للأمريكان
لأ لمبارك لأ لجمال لأ للخونة الأمريكان