كنت زهقانة اوي ومخنوقة
مش عارفة اعمل ايه
حال الدنيا صعب عليا
وحال مصر صعب على الكافر
قلت لأ كده مينفعش
لازم وقفة
لازم حد يتكلم
واللا كده الموضوع هيخرج من ايدينا
خلاص قررت اني اتكلم
وطيران على مصر
قعدت اكلمها واعتب عليها والومها
ازاي ده حالنا فيها
ازاي ازاي مش لاقيين اللقمة .... ولا فيه امان .... ولا
ديموقراطية
وبلاوي لينا معبيه
قعدت ازعق واصرخ واشكي واقول
بصت لي كده بكل ازدراء وقالت لي
انتي منتش عارفة انتي بتكلمي مين
ده انا مصر ام الدنيا
وراحت سايباني وماشية
طاب اعمل ايه انا دلوقتي مصر مش معبراني ولا راضية ترد عليا
بقى هو ده العشم يا مصر
قلت خلاص انا اروح على دنيا دي يمكن الاقي حل واهي بنتها برده
قلتلها بقى كده يادنيا يرضيكي اللي مصر عملته فيا
قالتلي وهي عملت ايه يعني
قلتلها انتي مش شايفه واللا ايه ....دي مصر صدرتلي الطرشة (الحاجه الوحيدة اللي تصديرها ايراداته عاليه)
_وانتي عاوزاها يعني تعملك ايه....عاوزة تاخدي منها ايها....يعني كنتي اديتلها ايه
_يعني هاديها ايه .....حيلتي ايه انا وهي حارماني من كل حاجه....انا قلت اجيلك يا دنيا واديكي بنتها اكيد انت طالعالها وزيها
_طاب مانتي قولتي اني انا ابقى زيها....لو كانت وهبتك شئ كنت هاكون زيها
_يععني ايه يعني....اضحك عليا ....مصر تسيبني وانتي كمان يا دنيا مقفلة في وشي الابواب
_مصر ماسابتكيش انتي اللي اتخليتي عنها....وضيعتيها من ايديكي
_انا ....طاب ازاي....انا كنت بعتب عليها وبكلمها هي اللي رفضتني
_ما هو انتي مبتعمليش حاجه غير انك تبكي وتشتكي....يعني لو كنتي قولتلها كلمه حلوة كانت سابتك
_يعني اشتغلها واغنيلها حلوة يا بلدي....كانت يعني منجهتني....كنت هاضحك عليها وعليا
_اديكي كنتي صادقة معاها....ناتي ايه يعني
_بس انا جت لك انتي يا دنيا
_علاجك مش في ايدي.....شوفي حد تاني غيري
_حتى انتي يا دنيا....لا بلدي محتجاني....ولا الدنيا راضية بيا.....ليه يعني وانا بيا ايه....ياترى يه الحل....وياترى العيب مني واللا من مصر واللا من الدنيا؟!!!!!!!!!!!!!!!!