أهلا وسهلا بكم إخوانى وحبايبى الغاليين

مع الحلقة الثانيه من برنامجنا وبرنامجكم

الكاميرا الخفيه النجعاويه

ونجمة حلقتنا النهاردة

إنسانة طيبة وخلوقة بكل المقاييس
أخت بمعنى الكلمة والله
الى يعرفها يمسك فيها بإيده واسنانه

(يحافظ عليها يعنى )

والى ما يعرفهاش فاته نص عمره
معانا النهاردة أختنا
لؤلؤة النجع
بدأت بالمقلب فى لؤلؤة بطريقة فى منتهى الجمال
دخلت باليوزر المعجزة (زعتر) و بعتلها الرساله دي
بس قبل الرساله انا كنت رديت على موضوع ليها
و قولتلها ان الموضوع ده بتاعي انا
و قولتلها بقى حرام عليكي تعملي الموضوع بإسمك
و شويه دموع من عندي
بس انا فضلت وراها و بعت الرساله دي

اقتباس المشاركة الأصلية اتكتبت عن طريق زعتر


ازيك يا عم
على فكرة انا عارف انك ولد و عندي الدليل و هفضحك هنا انت و عم سامي
اخص على الرجاله والله
انت متخفي في بنت علشان تكلم بنات
انت مش عندك اخوات بنات

بجد زمن الرجاله انتهى
غيرت الموضوع في ثانيه من غير ما تحس
فردت عليا بكل هدوء و قالت
اقتباس المشاركة الأصلية اتكتبت عن طريق لؤلؤة النجع

هههههههههه
انا عايزاك تفضحنا
انت مش عندك الدليل!!!
اعمل موضوع في المنتدى و افضحنا


هي طبعا كانت فاكرة نفسها بتحلم
فبعتتلي نص الرساله و بتقول
اقتباس المشاركة الأصلية اتكتبت عن طريق لؤلؤة النجع


بوص يا اصتاظ هانى ..
شوف الواد اللى اسمه زعتر دا بقى ، عمال يقولى انت ولد انت ولد ، وانا معايا الدليل ، وانا هافضحك ، وانا متحاشه عنه ، لأنى ممكن اطلعله من الجهاز واضربه ..
عمال يقولى انه انا ولد وانى متخفى فى اسم بنت علشان اتكلم مع بنات ، وانه ام سامى هى كمان ولد ، وبيقولى عليها عم سامى ..
انا قلت لأم سامى وبعدين لاقتها مشيت .. كلمه بقى انت على انك المدير لحد ما صيحو يبقى يدخل يشوف البلاوى اللى بتدخل المنتدى دى


فطبعا الرساله غريبه عليا انا كمان
فبعتلها و بقولها
اقتباس المشاركة الأصلية اتكتبت عن طريق خيال هاني


ازيك يا لؤلؤة
انا وصلتني رساله منه بس غريبه شويه
افتكر لازم تشوفيها بنفسك



اقتباس المشاركة الأصلية اتكتبت عن طريق زعتر
اذيك يا استاذ هاني
بقولك العضوة الي اسمها لؤلؤة دي صديقتي العزيزة
هي كانت وعدتني اني امسك قسم الفرفشه اشراف و قالتلي انك وافقت خلاص
فين بقى يا عم هاني الاشراف
لؤلؤة أول ما شافت الرسالة دى
وخصوصا ان زعتر كان عاوز يبقى مشرف
كان هيحصلها حاجة من اتنين

يا هتتجنن يا هتتشل
(بعد الشر طبعا يا لؤلؤة)

المهم

لؤلؤة ردت عليا رد مثالى الحقيقة ... قالت:


اقتباس المشاركة الأصلية اتكتبت عن طريق لؤلؤة النجع
لا انا كدا ممكن يحصل لى حاجه .. لحطة واحد هاحط دماغى فى الترعه اللى جمبنا يمكن افوق من الصدمة

وهارجعلك ، او ممكن ما ارجعش ، الله اعلم

لحد كده انا ماشي صح
و الغريب انها كانت هاديه من اول الموضوع
بس هي اتنرفزت اوي
يخرب بيتك يا زعتر


رجعت طبعا من الترعه و بعتت الرساله دي


اقتباس المشاركة الأصلية اتكتبت عن طريق لؤلؤة النجع
انا رجعت على فكرة .. لاقيتهم ردمو الترعه
لحظة واحده وماتمسكنييييييييييييييييي ييييش .. عارف لو حد لمسنى انا هاضرب زعتر دا ، يعنى هاضربه

بجد انا قولت انها اتجننت من زعتر
مع انه غلبان و لذيذ
صح ولا ايه يا جماعه



و احلى حاجه يا جماعه ان زعتر رد عليها في موضوع من مواضيعها كمان
و اكيد الرد نرفزها جدا

قولت اسخن الموضوع حبتين
فبعت ليها رساله و بقول فيها



اقتباس المشاركة الأصلية اتكتبت عن طريق خيال هاني
طيب استني كده اما اشوف اخرتها معاه ايه

لو كده هحذفه

فقالتلي

اقتباس المشاركة الأصلية اتكتبت عن طريق لؤلؤة النجع
هو بيعمل كده ليه
و انا عمري ما شفته الاشكال دي قبل كده
ولا اعرفه خالص
فطبعا لازم اتصرف كالعاده بحنيه

و قولتلها


اقتباس المشاركة الأصلية اتكتبت عن طريق لؤلؤة النجع
انا مش عارف هو بيأكدلي انكم تعرفوا بعض

و انك الي اخدتيه من منتدى تاني علشان يشترك هنا

انا عايز احذفه ايه رأيك

يا ضنايا