**********
دايما بتقابلنا مشكلات ايمانية ف رمضان وبعد رمضان
والأسئلة المعتادة :

احفظ ولا أقرا؟
اقرا أجزاء أد ايه في القيام؟
يكفي إني أفطر صايم تمرة؟
ايه أفضل جدول ايماني ف رمضان؟
وتلاقي تتوزع جدوال محاسبة وبرامج عمليه لتشجيع الناس على الطاعة

كل دا كويس
لكن عادة يخلص الموسم وترجع ريمة لعادتها القديمة
أو يفضل تأثير بسيط

احنا السنة حنعالج القضايا دي
حنكسر الروتين الرمضاني
بطرح أفكار جديدة ومعاني إيمانية مفقوده
حنعيشها ف رمضان

حتسألوني . طب وليه التغيير؟

أقولكم:
كل العادات دي خلاص بقت مستهلكة
ليه نضحك على نفسينا ونعمل حاجات مش بتغير فينا؟
العبادة أوسع من الصيام والقيام وتلاوة القرآن والذكر وتفطير الصوام

طب والحامل تعمل ايه ؟
والمرضع تعمل ايه؟
والموظف يعمل ايه؟
ويعمل ايه اللي ميعرفش يقوم بالعبادات الجامدة دي ؟
خلاص يضيع منهم رمضان؟

للأسف احنا مبرمجين على عبودية الهوى
ليه ما نفكرش نعمل طاعات جديدة معملنهاش قبل كدا ؟
يمكن يكون دا بابك لربنا وعلاج لقلبك

ايه رأيكم يكون يومنا ال24 ساعة كله عبادة؟
ازاي؟اسمعوا المحاضرة دي


منقول