حد فيكم جرب يحط في كوباية ميا ووعليها زيت؟؟

اه ميا وعليها زيت.....غريبة دي

لو ما جربتوش انا جربت....

ولقيت ان الزيت طفى على وش الميا.....

ما عادي يا انسانة ما احنا عارفين عشان فرق الكثافة ..


ايوة انا مش قصدي على كدا.....

ده الزيت والميا اتكلموا ودار بينهم حوار وانا سمعته....









ايه بتقولي ايه

اه....

طب اسمعوا معايا كدا...

((بس عايزة كل واحد يقرا الحوار ده يحاول يطبقه على نفسه))
تعالوا معايا واسمعوا وشوفوا


بعد ما حطينا المايا على الزيت في الكوباية فالزيت طلع فوق الماء في الكوباية
وزي ماتقولوا كدا الماء حز في نفسه اوي ان ازاي الزيت يبقى فوقيه وهو الي بسببه روى الشجرة بتاعته وكبرها يعني هو اصله....

فدار الحوار كالتالي........


الماء:كيف لك ان تكون اعلى مني يا زيت؟؟واناااااااا أصلك...فبدوني ما ارتوت شجرتك ولا نضجت ثمرتك.....

الزيت رد قائلا:اني صبرت على الطحن والعصر....اني صبرت على الطحن والعصر حتى اصبحت زيتا...فبالصبر ارتفعت عليك....
اما انت فتجري في الانهار والبحار.....

الماء رد قائلا:مهما كان فانا اصلك...ولا يجب ان ترتفع علي....


الزيت رد قائلا:يا ماء انك اذا وضعت بالمصباح لأطفأته....اما انا اوهج المصباح اكتر واكتر......

الماء:


بعد الحوار ده...حسيت بقيمة الصبر؟؟
لا واي صبر....ده صبر على الطحن والعصر....يعني مااعتقدش حد مننا انطحن ولا اتعصر .......

شوفتوا الصبر بيرفع قيمة الواحد ازاي؟؟
شوفتوا الصبر طريق للنور ازاي؟؟
ده هو النور نفسه....

انا سمعت الحوار ده من الشيخ حسين يعقوب....وبجد اتاثرت بيه اوي....وقلت اكتبه عشان يعم النفع علينا وكل واحد حاسس انه مش قادر يصبر.....
مش قادر يصبر وعايز يشتغل بسرعة...اقوله اصبر الصبر جميل اوي
مش قادر يصبر وعايز يتجوز الي بيحبها....اقوله اصبر ان الله مع الصابرين
مش قادر وعايز تخلص امتحانات بسرعة وزهقت ...اقولك اصبر ده انت ماحصلتش حتى الزيت...

يارب يكون كلامي وصلكم....ولو ما وصلش يبقى تقصير مني في نقل الصورة وربنا يسامحني بس بجد نفسي نقدر من جوانا نصبرعلى اي ابتلاء...نصبر على اي مشكلة الواحد بيمر بيها.........
قبل ما بقولكم الكلام ده انا بقوله لنفسي...ولازم تحط قدامك كل شوية الحوار ده وتحس فعلا ان من غير صبر يبقى ماتنفعش....

ربنا يكرمكم ياااااارب
ونجمتع دايما على الخير وفي الخير
اني احبكم في الله

ادعولي