: الكفن لية صفات وهى 1-أقله مايستر جميع بدن الميت


2-مايباح لبسه فى الدنيا يباح التكفيينبه..وعليه لا يجوز التكفيين بالحرير للرجال ويكره للنساء لما فيه من مغالاة واسرافنهى عنهما

3- تكره المغالاة فى الكفن

4- يحرم كتابة شىء من القرأن على الكفن


5- يفضل ان يكون الكفن ابيض اللون ويكره انيكون فيه شىء غيرالبياض كما يكره ان يكون شفافا ويستحب ان يطيب بالعود


6- ويكون ثلاث اثواب للرجل وخمسة للانثى وهناك اراء تقول ان يكون الكفن ثلاث اثواب لكلمنهما .
الطريقة لتفصيل الكفن دى يا جماعة دى الفعلية والتى تتم فى جميع المساجد التى تفصل اكفان شرعية



ثانيا : بنحضر كيس صغير ونضع فية ليف شعر للغسل وصابونة صغيرة وزجاجة صغيرة مسك لمياة الغسل وواحدة كافور وجوانتى لكى يكون حائل للمغسل وكيس قطن 100 جرام وبيستخدم لتنظيف المتوفى وبعض الحالات التى بتكون الوفاة من مرض وفية نزيف بنحط شاش وكل ماسبق ادوات للغسل توضع مع الكفن لكن نسهل على المغسل



وطبعا اى حد يحب يزود فى المسك والكافور فى مية الغسل خير بس احنا بنضع اقل شئ علشان نكفى عدد الاكفان التى تم تفصيلها وبعض الناس بتزود فى المسك علشان يرش منة على الكفن نفسة من الداخل وعلى مواضع الوضوء للمتوفى



ثالثا : بنشترى التوب القماش بيكون 30 متر ودة البفتة التى لا تشف نهائياوعرض القماش 180 سم (عرضين) ودة عرض كويس علشان لو المتوفية تخينة ولا حاجة مش يكون فية حاجة لزيادة عرض القماش ومش مهم تكون البفتة قطن بنسبة 100% لو فيها نسبة من البوليستر مش مشكلة المتوفى مش هيتحر زى فى حياتة بعض الناس بتحضر كفن فى المنزل احتياطى وترش علية مية زمزم او تشغل مبخرة علية كلة مسموح بس المهم وقت الوفاة لازم يكون القماش ناشف علشان مش يظهر جسم المتوفية



رابعا : بنقسم من التوب 3 ادارج وكل واحد فيهم بيكون عرض القماش الفعلى 180سم وبطول 2.5 متر لكل درج يزيد الطول فى حالة المتوفية الطويلة فقط
خامسا : بنفصل بعد ذلك القميص وهو عبارة عن قماش بفتة وبطول2.5 متر طولى وبعرض 90سم يعنى بناخذ العرض زى السابق ونقسم من المنتصف لكى نجعلة عرض واحد ونعمل فتحة الراس بعد ثنى القماش على 2 وفى المنتصف نعمل فتحة الراس لكى يسهل ادخال المتوفية فيها وفى الصورة هتوضح اكتر ودة بيكون قميص مفتوح الجانبين



سادسا : السترة وبتكون 2 متر طولى وبعرض واحد ايضا 90سم وهى التى تلف على المتوفية لستر البدن وهى اول شئ يوضع عليها ثم القميص



سابعا : بنفصل خمار وطرحة لراس المتوفية وبيكون قماش بفتة ايضا وليس شاش زى الجاهز والغير شرعى بناخذ قماش بفتة بطول 2 متر او 2 الاربع وبعرض واحد 90سم ونضم احدى الطرفين ونخيط لكى يكون خمار والطرحة تكون ربع متر وبعرض واحد ايضا وتكون زى شكل المثلث وتلبس المتوفية الطرحةالاول ثم الخمار وذلك بعد ستر المتوفية بالسترة والقميص



ثامنا : بعد وضع ما سبق نبدا فى لف الادراج الثلاث على المتوفية تم نضع الاربطة وهى لربط الكفن من الخارج يوضع 3 او 5 للسيدات لاحكام الكفن وبتكون واحد عند نهاية القماش عند الراس والاخرى عند نهاية القماش عند القدم واحد عند الوسط للمتوفية فى منطقة البطن تقريبا واى زيادة تكون فردية باذن الله ولكن عادة لا تزيد عن 5 باذن الله مع ملاحظة ان وقت الدفن تفك هذة الاربطةمرة تانية ولا يزال الكفن طبعا من على المتوفية فقط تفك الاربطة ولا يكشف الراس كما يشاع عند الناس ان المتوفية لا يكشف وجهها وقت الدفن



ايميل