ولبست العمة( عمة هدية لكل مواطن)


اه ياني يامّّه....واه ياني يامّّه


ابن الايه لبسني العمة


قال لي هجيبلك كيت وكيت


يخرب بيت ام الهلافيت


اده اخرة شغل التنطيط


وادي هدومي مليانه براغيت


من الشحططة في بلاد الله


كان بلدي ماله يا محلاه


كنت مفكر هبقى وزير؟!!


اصل الشغل انا عارفه كتير


عارف اصلا تبقى شوفير

زهقك ده بقى دقة قديمة

والشكوى في بلدنا جريمة


عايز تحيا عيشة سليمة


فكك بقى من شغل السيما


والحوارات والشعارات...واللي عدى علينا وفات


مانت هو عايش زي الفل


واكل شارب ولا فيش زل


والصهللة غرقت الكل


قوم اتوضى وصلي الفجر


وقت الضحى صلي اتنين شكر


واحمد ربك انك لسه


زي الفل وهمك انسى


طنش كبر ولا فيش شئ


لو تلبس العمة ياذوق


حتى لذيذة ونيولوك
فرفش بقى كده واهدى وفك