السلام عليكم ورحمة الله وبركاته

ازيكم يا جماعه ؟؟

===========

النهاردا ، قعدت على جوجل ، وبحثت "الجاز والشعر" والاقى عدد من المنتديات العربيه ، يا اخواتنا المصريات ، فعلا الجاز حلو للشعر ؟؟

مافتكروش المصريات الا بالجاز .. لا وايه ، اخواتنا !!

المهم

انتو عارفين عندنا فى الريف المصري ، فعلا البنات الصغيرين ، لازم بعد الحما كل اسبوع يحطو جاز فى الشعر .. علشان:-

ينعمه ، ويطوله ، وينضفه ، ويظبطه

كلنا عارفينها فى مسرحية المتزوجون .. بس

فعلشان اللى مايعرفوش من المصريين والعرب

انه الجاز مفيد جدا للشعر ، ما اذا اتحط فى الشعر مرتين فى الاسبوع ، كفاية مرتين

كمان فى حاجه كدا علشان تبقوا عارفين

انا امبارح حطيته ، وفعلا حلو جدا جدا ، بينضفه من اى حاجه فيه ، قشرة ، قمل ، تساقط ، تقصف ..

اما عن ريحته ، فأنا عن نفسى بحب ريحته يعنى ، المهم علشان اللى مش بيحب الريحة

بشرى :- الريحة بتروح بسرعه جدا جدا جدا .. اهم حاجه انك لما تكونى حاطه الجاز ، تكونى بعيدة عن جوزك ، و اولادك ، او اخواتك او اهلك عامة يعنى .. علشان الريحة دى ساعات بتتعب الواحد ، وتخليه يصدع ..

كمان لازم تبعدى عن السجاير ، ودا مش هزار ، علشان مايولعش فى شعرك .. ساعتها هابيوظ ومش هايرجع تانى ...

ومن اهم الحاجات اللى المفروض تعمليها ، انك لما تحطى الجاز فى شعرك ، تعملى شعرك كحكة ، يعنى تلفى شعرك كدا ، وبعدين تروحى لافاه على راسك ..
او تعملى شعرك ضفيرة ..

لييييييه ؟

اولا :- احتفاظ بوجود الجاز مدة اطول فى الكحكة او الضفيرة ..

ثانياً :- علشان الكحكة عامة ، والضفيرة بيطولوا الشعر .. الكلام دا سمعته من مرات عمى ، ناس فلاحين يفهموا فى الحاجات دى يعنى..

بس كدا

كمان لما تحطى الجاز فى شعرك ، بعدها تغسلى شعرك ، ممكن بعدها بيوم او اى حاجه ، براحتك ..
المهم انك تسرحى شعرك بــ"الفلاية" او "المشط ذو اسنان ضيقة" ...



ودا بينزل لو فى اى قمل ميت ، او قشرة او كدا .. فعلا ، الجاز دا تحفة للشعر

وانا مجرباه ، وشوفت قرايبي مجربينه .. وفى البلد كل البنات بتعمل كدا ...