السلااااااااااااااام عليكم ورحمة الله وبركاته

ازيكم يا جماعه ، عاملين ايه ؟؟

النهاردا جات فى دماغى فكرة لموضوع صغنن يعنى ، مع انى مش بحب النوعيه دى من المواضيع ، لأختلاف رأيي فيها ... وساعات بحس انه رأيي اللى بيولع المواضيع هه ..

طيب

ايه رأيكم فى الحب ؟؟

والحب وقت المراهقه ؟؟ "بالنسبه للولد وللبنت ..."

والحب فى كل الاحول دى "الاخ والاخت ، الاب والام ، ..." ((زمان ودلوقتى))

ايه المظاهر اللى بنشوفها بتدل على الحب ؟؟

الكراهيه !! منتشرة ؟؟ ... بين مين ومين ؟؟

على فكرة الموضوع شااااااااااامل اى حاجه ، يعنى اي كلام مرتبط بيه من قريب ولا من بعيد ، يعتبر مع الموضوع .. الموضوع عن الحب والكراهيه ، بكل اشكالها ، يعنى انت هاتقعد تكتب رد ، كامل وشامل ، لحد ما تروح المستشفى تربط صوابعك ، ولا تروح ليه ، ما الوحده الصحيه اهه عندك !!

==========

اقول رأيي :- اولا مافيش حب حقيقي الا بين الزوج والزوجه .. وبس ، لأنه الحب بينشأ عن طريق:- همسات ، لمسات ، وحركات ، وعاده مش بتبقى حلال الحركات دى !!

الحب اثناء الخطوبة طول ما هو جوا القلب ، حلال ، انما بقى برا القلب ، او على اللسان كدا كلمة بحبك سهله ، يبقى خلاص بقى ، نقول مثلا:- البنت قالت بحبك ، مجرد الكلمة دى انا بحسها من البنت بتقلل من حيائها ، لأنه من الحياء ، انه البنت تسكت ، دا اللى الحمد لله اتعلمناه فى المدرسه ، انه البنت كلامها قليل عن الحاجات دى ، علشان عيب .. !!

اما بقى عن الكلمة نفسها ، فهى بتفتح الباب للشيطان للولد ، لأن مافيش بنت بتقول الكلمة دى للتلاعب بمشاعر الولد ،العكس اوك ، لكن البنت لا !!

وبكدا ، تبقى البنت بتحب الولد فعلا ، والولد والشيطان عليها .. والباقى مفهوم ، وبنشوفه كتير اوى

انا اعرف شخصيتين ، حصل بينهم انهم حبو بعض ، والولد مرة واقف ادامى ، بيكلم صاحبه ، عليها ، والكلام بقلة ادب وقلة احترام للبنت نفسها ، المفروض مشاعر البنت تبقى جواها ، ولو حصل اى حاجه تحزن البنت ، اتجاهها لربنا هايقويها على الحب !!

اما لما الولد يقول للبنت :- بحبك .. فالبنت بتحط ساعتها 50% كدب و 50% حقيقه ، وفى الاخر لو انتهى الموضوع بالجواز يبقى الراجل بيحب ، غير كدا ممكن يكون بيلعب بالبنت ، وبمشاعرها ادامه ، علشان تحبه ، ويعمل بقى اللى فى دماغه ..

=========

الحب فى المراهقه ، حب عادى ، بيحصل ويخلص ، بس المشكله اذا حصل تمادى فى الحب دا ، ووصل للكلام والخروج ، ساعتها بيبقى حب برضه عادى ، يعنى ممكن يروح ، لكن بيوصل للحرام ..

حب المراهقه عمره مابيخلص بالزواج !!

علشان نحمى بناتنا وولادنا منه ، ممكن نوجههم للقراءة عن مواضيع مهمه ، او هواية تشغلهم ، ونحاول ندمجهم فى المجتمع الاسري ، بحيث ماتقعد او مايعقد يفكر فى الشخص دا ...

=============

الحب العادى بقى ، اللى بين الاخ والاخت ، والعم والخال ، اللى بين افراد المجتمع الاسري ..

بيتهيألى ابتدا يتلاشى ، على الاقل ادامى انا ، الحب فعلا ابتدا يقل جدا جدا ، والعيلة بقت متفككه جدا جدا ، لدرجة رهيبه ، انا هاقولكم على سر ، انا فى ناس من عيلتي زى ابن عم ابن خال ، والله ما اعرف شكلهم ايه !!

وسبحان الله السبب ، البعد عن ربنا ، لأنه ربنا خلق الانسان كائن اجتماعى ، مش كائن وحيد !!

اما المظاهر فأنا مش عارفهاها ، لأنه عادة مابقتش اشوفها فى العادى !!

الكراهيه ، بقت بيننا كلنا ، فى الشارع تلاقى الناس مش طايقه بعضها ، والحاله تخلى الواحد يتشائم ، بس الصراحه ، انا مش متشائمة ،

احنا طول عمرنا ، ينتريق على كل حاجه ، ولو مالقيناش حاجه نتريق عليها ، بنتريق على نفسنا اننا مش لاقيين حاجه نتريق عليها !!!!!!

فبنضحك .. وعلى رأي مصطفى امين "سنه اولى سجن":- محاربة السجن ، بالضحك ، والفرفشه !!

يلا ، دا كان رأيي ايه اخبار ارائكم ؟؟