بسم الله الرحمن الرحيم


فى البداية احب اقولكم وحشتونى قوى عاملين اية

فكرة الموضوع دى طرقعت فى دماغى من فترة

لما شفت بتاعة هى الة خشبية مكنتش اعرف اية هى

ولما سألت عنها صدمت بجد ماكنتش مصدقة

قالولى دى بتستخدم فى الخناقات

واليكم التفاصيل (عبارة عن قطعة خشبية مدورة وطويلة يعنى زى النشابة كدة وطولها 17 سم تقريبا
ومتصلة بسلسلة سميكة مشبوك فيها خشبة زيها بالظبط) يعنى حتتين خشب مشبوكين ببعض بسلسلة


متخيلين شكلها ؟؟؟




وبتسنخدم عن طريق مسك احدى قطعتى الخشب مع لفها فى الاعلى ورزع اى دماغ قدامك


ليصبح الشخص الذى امامك هكذا










انا لما شوفت كدة بجد اتحولت وفضلت مسهمة شوية


معقولة الشر يوصل بالناس لحد كدة

انا نفسى اعرف مين اللى جة فى بالو يعمل البتاعة دى


اذا كان العصايا بتوجع لوحدها وبتأذى

فمبالك باللى بتطوح وتنزل رزع يا نهار ابيض



انا بجد مش مصدقة مزهولة اوى
وكل مافتكر اتنح شوية






والطريف فى الموضوع ان عيال خالتى جايبينها لاخوهم الصغير عشان يلعب بيها


حاجة جميلة اوى







ماعلينا المطلوب منكو دلوقتى انكو تقولولنا اكتر موقف كنتو فية مستغربين او مدهوشين

او كلمة مثلا غريبة سمعتوها

اة بمناسبة الكلمة افتكرت كلمة سمعتها من 3 4 سنين كدة ونا ماشية فى الشارع من عيال صغيرين كانو بيتعاركو مع بعض

الكلمة رنت فى ودانى لانى كنت اول مرة اسمعها وعلى طول سألت اختى يعنى اية (تييييييييييييييييييييييي يييييت ) بصوت عالى طبعا


قالتلى اسكتى ها تفضحينا


وبعد فترة من الزمن تم معرفة معنى تلك الكلمة
(طبعا مفيش داعى خالص اقولها)





يالا اعصرو دماغكو وورونا شطارتكم