شاورمـــة فــراخ بالبطــاطس




الطبق ده من كتاب الشيف اسامه بس هوا عامله باللحمه و انا عاملته بالفراخ ,,,,,,

المقـــــــادير


4 بطاطس مسلوقين 3/4 سلقه و مبشورين (ابشري واحده واحده قبل الاستخدام علي طول)

1/2 كيلو صدور فراخ مقطع قطع صغيرة

دقيق

زيت

طماطم

بصل

فلفل اسمر

سماق

زعتر

ملح

اولاً:عمــل الشاورمــة



شوحي شويه بصل مقطع في شويه زيت ، حطي1/2 كيلو صدور فراخ مقطعه صغير شوحيها لغايه ما لونها يتغير و بعد كده حطي ملح ، فلفل اسمر ، سماق ، زعتر وسويها ممكن تحتاج شويه ميه ، بعد ما تستوي تكوني مقطعه طماطم صغير و شويه بقدونس و تقلبي و اطفي النار



ثانياً:عمل البطاطس


ابشري 1 بطاطس و رشي عليها شويه دقيق بالشكل ده :




في طاسه تيفال علي نار متوسطه حطي شويه زيت و حطي شويه بطاطس :




شيليها من علي النار وحطي شويه شاورمه بس مش علي الاطراف بالشكل ده :




و غطيها بالبطاطس بالشكل ده :




و اضغطي علي الحواف بالشكل ده علشان نلزق الجوانب كلها





و حطيها علي النار تاني و كل شويه حركي الطاسه علشان قرص البطاطس يفك من تحت ومايلزقش




اقلبيها في طبق و حطي زيت تاني في الطاسه و حطي القرص علي الناحيه التانيه علشان ياخد لون...و كرري العمليه لغايه ما المقدار يخلص انا عملي 4 قرص







بعد ما تستوي قطعيها و قدميها بالشكل ده مع سلطه خضرا او طحينه :