بقى يابن المفترية
ياعديم الانسانية
عامل دا كله فيا
وتقول عايز سلام
فارض حصار عليا
ومقيد بيه ايديا
تقول ح ارجع شوية
وبترجع فى الكلام
تحلف والله أعلم
انك بالحق مغرم
وانك بالسلم ملزم
لأ نعم الألتزام
على أرض ماهش بتاعتك
داير تبنى لجماعتك
وتورى الناس شجاعتك
فى الظلم والانتقام
شيطان رسمت خطه
وعايشها رمى جته
وبتاخد حته حته
ومعاك الزور امام
طماع عايز زياده
وبتشرب دم ساده
ابليس عايزله داده
ح تاخد منه كام
فكرك ح أقول نصيبى
وأقبل تشعل لهيبى
وأسيب ايدك فى جيبى
تسرقنى على الدوام
بالعربى وباليابانى
مش ح ايأس مهما اعانى
ح أفضل صامد مكانى
لو تفضل ألف عام

منقول