ديمقـــراطيه ديمقــراطيه
أيــــــــوه هى ديمقراطيه
ديمقــــراطيه بس هـــــى
ع الطــــريقه الأمـــريكيه
لـــــو يهودى احتل دارك
قـــوم وقــــدم لــه التحيه
سيب له دارك باختيارك
خلى عنــــدك مفهوميــه
أصل مهما يكون قرارك
النتيجـــــــــه هــى هــى
هو مـــــات اسود نهارك
انت مت ملكش ديــــــه
ديمقــراطيه ديمقـراطيه
أمـــا لــو فكــــرت نوبه
قلت أجيب حقى بـايديا
والشيطان قـــالك بطوبه
تنتــــصر ع البــنــدقيــه
تتفرض فـــورا عقوبــــه
م الحبيبـــه الامـــريكـيـــه
وان مــا قلتش يـابــا توبه
تبقى أمـــك ارهــــــابيه
ديمقــراطيه ديمقــراطيه
اسرائيل تسرق وتنـــهب
بس غلبانــــــــه وضحيه
اسرائيل تهــــدم وتضرب
مش جــــــرايــــم انسانيه
اسرائيل بــالكـــدب تكتب
ألف فـيـــلم وتمثيـــليـــــه
وان تــــلومــها وللا تعتب
يبقــــــى منــــــك للساميه
ديمقـــراطيه ديمقــــراطيه
الفلسطينى اللــى صابـــــر
نص قــــــرن ع الأذيــــــه
فيها ايــــــه لــو تنو صابر
نص تــــانى ويبقــــــو ميه
واليهــــودى ابـــــن الأكابر
يبنى دولـــــــــه صهيونيه
واللــــى يبقى ساعتها فاكر
يبقــــى يرفع 100 قضيه

من قلم : سامي النويهى