طبعــا داخـــل ومـــاليـــك الامـــل

خاليـــك معـــايا للاخـــر

ونشــوف اللى حصل





الاب : منورنا والله يا استاذ حسن

حسن : ده نورك يا عمى


الاب : ها يا ابنى .. ح تدفع كام وتشيل

* هى اتنين كيلو طماطم يخيبكـ *

حسن : اللى تأمر بيه يا عمى

* عبيـــــط *




الاب : الامر لله يا ابنى .. احنا مش طالبين كتير .. شقة تمليك فى اى حتة تكون نضيفة .. ومهر 25 الف جنية يا دوب ده احنا ح نحط ادهم مرتين علشان نجيب العفش وانت ح تجيب الاجهزة والسجاد وحاجة المطبخ والستاير والذى منه .. وح تجيب شبكة بزيهم .. طبعا انت عارف ان الدهب غلى يعنى مش ح يجيبوا حاجة بس انت وذوقك بقى .. مش كده والا ايه يا ام احلام

* لا ياراجــل ايه القناعـهـ دى *





ام احلام : آه يا أخويا دى عفاف بنت خالتها خطيبها جايبلها شبكة بخمسين الف جنية .. ده غير الاجهزة الحديثة اللى جايبهالها معاه وهو جاى من السفر

* جيتى تكحليها عمتيها ياختـى *





الاب : اما الفرح فى قاعة صغيرة بس طبعا لازم تساع الحبايب واحنا حبايبنا كتير .. والقايمة والمؤخر طبعا انت سيد العارفين .. وفى الاول والآخريا ابنى .. احنا بنشترى رجالة

* لا ماهو واضح جداااااا *



حسن : بس يا عمى انا ممعاييش المبالغ اللى حضرتك بتتكلم فيها دى


الاب : اللى ممعهوش مايلزموش يا ابنى .. واحنا فى الاول والآخر بنأمن لبنتنا حياة سعيدة .. امال عايز تاخدها رخيصة والا ايه؟





حسن : يا عمى لو بنتك رخيصة ما كنتش خبطت على بابكم .. وسكك الغلط فى الزمن ده سهلة .. واكتر م الهم ع القلب .. وبعدين احنا ممكن نلم الدور .. وحضرتك عارف ظروف الحياة اللى بنعيشها .. وانت لسه قايل بعضمة لسانك ان كل حاجة غليت .. والظاهر ان الانسان بس هو اللى عمال بيرخص



الاب : قصدك ايه؟

حسن : قصدى يعنى دبلتين .. وشقة قانون جديد على قد الحال .. ومهر ربع جنية .. واجيب انا عفش بيتى على قد فلوسى .. وفرح بسيط مش بهرجة ورقص ومسخرة .. ده احنا بنبتدى مع بعض علاقة نضيفة .. اجيب كمبيوتر اجيب
تليفزيون .. اجيب تلاجة صغيرة والا كبيرة .. فى الاول والآخر احنا اللى ح نستعملها .. ولو باظت اكيد انا برضه اللى ح اجيب غيرها مش ح آجى واقولك هاتلى .. وحضرتك ممكن تاخد رايها على الكلام ده





الاب : انت جاى تشتمنى والا ايه ؟ .. احنا ما عندناش بنات تمشى كلامها على



ابوها .. الظاهر انك جيت البيت ده غلط




يخرج حسن من منزل احلام .. يسب ويلعن ويضرب الارض بقدميه ..

يعينى عليكـ ياضنــايــا



بعد قليل يدق
جرس هاتفه المحمول

حسن : ايوة



احلام : ايه يا حسن انت هتتخلى عنى

* جاتـكـ واكسهـ متشـوفى طلبات ابـوكـى *



احلام : طب وح نعمل ايه دلوقت



حسن : العمل عمل ربنا اللى مايرضيهوش اللى بيحصل ده .. ده حتى حرام وظلم وافترا



احلام : طب ايه رايك يا حسن .. لو اسم نفسى كده وكده .. وتيجى تنقذنى ونتجوز

* ياســلام يــاختـى مكنش حد غلـــب *


حسن : العبى فى دماغ ست الكل مامتك وهيا تظبطلنا الموضوع



أحلام : طب متخلصيلى الموضوع دة يا ماما
كلمية ..... دلعية
ظبطى الراجل يا فاطمة يا ست الكل خليكى تخلصوا منى وتستريحوا


أم أحلام:بس كدة حاضر يا حبيبة ماما انا هقنعه وأما نشوف انا ولا هو



أحلام : خلااااااااااص .......يعنى هتجوز





ملحوظة : المشهد ده بيحصــل كتيـــر




الموضوع هو ياترى ياشباب كل واحد فيكو بيكون عامل حسابه وهو رايح يتقدم للبنت اللى حبها ولا لا ؟



كل واحد بيكون عامل حسابه انه ممكن يترفض ولأسباب تافهة جدا



طيب لو ده حصل واترفضت هيكون رد فعلك ايه هتستسلم من أول جولة؟! ( على اساس انك بتلعب ماتش ملاكمة ) )



ولا هتحاول تثبت لأهل البنت اللى بتحبها انك الشخص المناسب فعلا لبنتهم ؟



طيب سؤال تانى ايه يا ترى الأسباب اللى ممكن أهل العروسة يرفضو العريس علشانها ؟


******

وانتو كمان يابنات عايزة اعرف رأيكو فى الموضوع



ياترى فى أيامنا دى ممكن نضحى علشان شخص بنحبه ؟



تقبــلى تبــدائى مـعــا بحياه بسيطــهـ وتكبــروا ســوا ؟



وليه الأهل مبيطبقوش حديث رسولنا الكريم:"إذا جاءكم من ترضون دينه فزوجوه"


ليه الناس بقى كل اهتمامها الماديات



وتفسيرهم لده انهم بيأمنو مستقبل بنتهم !!!!!


وطبعا انا مش بعمم كلامى على كل الأهالى لإن فى أهالى ماشاء الله



كل اللى يهمهم ان يكون زوج بنتهم انسان محترم وعارف ربنا




اتمنـــى التفـــاعـــل وابــداء الراى من الطرفيـــن




تحيـــــــــــــاتـــــى






منقول