ماما .. أنا جعااااانة ..

ماتقومي تاكلي ..

آكل ايه ..؟؟

في بيض جوة .. وجبنة قريش جميلة .. وجبنة بيضا وفي عيش أخوكي لسة جايبه من الفرن في منتهى الجمال ..
وعندنا خيار .. قطعيه طرانشات وكلي .. عايزة طماطم حطي .. عايزة فلفل حطي ..

حيلك حيلك .. مالك نفشتيهم كده .. هم من الآجر عيش وجبنة .. ايييييييييييييييييييييييه ..؟؟

لا وفي عسل أبيض كمان .. أبوكي لسه جايبه .. الكيلو بــ ..

خلاص ياماما .. مش واكلة ..

أحسن .. اللي بياكل على ضرسه بينفع نفسه ..

هاتلنا بقة على قناة فتافيت ..

فتافيت ..؟؟ حرااام عليكي ياماما .. انتي عايزة تعذبيني .. بقولك جعاااااانة ..

طب بس اقلبي ..

أهو ..

ناوليني بقة القلم ده بسرعة .. وهاتيلي أي ورقة .. يابت قومي إتحركي ..

خليكي انتي بس عمالة تكتبي .. الا مافي مرة عملتيلنا حاجة من اللي انتي عمالة تكتبيها دي ..

يابنتي هاتي قبل مانسى المقادير ..

حاضر حاااااااااااااااااااضر .. خدي ياستي ..

روعة هالألوان .. ولو انكو معي .. كنتوا راح تشموا هالريحة الكتير طيبة ..
ومتل ما إنتو شايفين .. بنقلب صدور الدجاج .. لحين مايصير لونها غامق ..

ياماما حرام عليكي أنا جعاااااااااااااااااانة ..

عايزة تاكلي إيه ..؟؟

معرفش .. عايزة أتعشى .. العشا بتاع البني آدمين ..

اللي هو ايه بقى ..؟؟

مربى مشمش ..

مشمش ..؟؟ .. طب اتصلي بأبوكي بسرعة قبل ماييجي وقوليله ..

أهو بيخبط أهو ..

جبت مربى مشمش ..؟؟

وحد كان قالي ..؟؟

شايفة .. شايفة .. أهو ماجابش .. آكل أنا إيه دلوقتي .. آكل ايييييه ..؟؟ ..




انتو عايزين تجيبولي شلل رباعي .. أنا عارفة .. إعمليلي آكل .. أنا عايزة فراخ زي اللي الست دي كانت بتعملها ..

وأنا أعملك فراخ إزاي دلوقتي ..

خلاص .. يبقى نطلب ديليفري ..

ديليفري لإيه .. مأبوكي جايب عشا أهو ..

ماليش دعوة .. هتصل يعني هتصل ..

ألو .. لوسمحت عايزة واحد بيتزا جبن كبيرة .. شكرا ..

أنا اتصلت خلاص ..

طيب .. شوفي بقة مين اللي هيديكي الفلوس ..

انت طبعا ..

طيب .. أما نشوف ..




......................




الشيطان : انتي هتسكتي .. ادخلي دعبسي كده .. وأكيد هتلاقي كنوز ومرجان وياقوت ودهب وألماظ .. وفلوس طبعا ..

لييييييييييييه .. حد قالك ان أبويا يبقى علي بابا ..

طيب بلاش .. افرضي بعد مالديليفري جه .. مارضيوش يدوكي فلوس .. يبقى شكلك ايه ساعتها قدام الأمم المتحدة ..

لأ عندك حق فعلا .. طب اعمل ايه ..؟؟

ادخلي بس دعبسي .. اكيد ابوكي بيشيل الفلوس تحت البلاطة زي الأفلام ..

لا ياعم .. باب بيحط الفلوس في المحفظة اللي في جيب البنطلون الوراني اللي بيبقى متعلق ورا الباب بتاع أوضة النوم ..

بس لو أخدتي هيعرف .. دوري كده في الدولاب ..

اللهم اغزيك ياشوشو .. فكرك ..؟؟

أومال يابنتي .. إنجزي بس ..


طيب ..

ايه ده ..؟؟

ايه ..؟؟

حاسة بورق كده كتير .. دي باينها شيكات دي ولا ايه ..؟؟ ولا تكونش خريطة الكنز ..

طريقة عمل البط بالبرتقان .. بط بالبرتقان ..؟؟

وايه دي كمان ..

بيضتين .. 3 كوب دقيق .. ويضاف عليهم العسل الأبيض .. وبعد التقليب نضع السمن .. ثم الشوربة .. ثم ندهن بها الصينية التي سترص بها الكفتة ..؟؟

ايه ده .. ايه ده .. ورق ماما بتاع فتافيت ..؟؟ ومالها شايلاهم كده كأنهم أسرار دولة ..

عندها حق .. ده لو أمن الدولة ظبتت عندكو العك ده .. تروحو في حديد .. دي منشورات يابنتي ..

ياراااااجل ..؟؟

وهو أنا هضحك عليكي ..

إهيييييييييييييي .. ودي تيجي ..






شامم ياشوشو .. بضعف أوي قدام ريحة البيض المقلي ..

استنى هروح أعملي سانكوتش .. وآجي علطول ..أعملك معايا ..




لو في مية نار .. كلور .. شوية فنيك يبقى كده تمام أوي ..




طلبك في الحمام .. ولو لقيت صراصير .. فيران .. حلال عليك ياعم ..

ماماااااااااااااااااااااا .. اعمليلي سانكوتش جبنة كماااااااااان ..



...............



ايه ده .. الديليفري وصل .. إتز تو ليت ..

أهلا يافندم .. 28 جنيه ..

ليه ..؟؟

نعم ..؟؟

ولا حاجة .. احم .. أنا أصلي خلاص شبعت .. مش عايزة ..




فوت علينا بكرة أكون سرقت فلوس من قصدي اكون جعت يعني ..

هو ايه ده اللي فوت علينا بكره ..

.. خلاص ياعم بزورك ده .. ثانية واحدة .. إلهي تطلع البيتزا مفخخة وتنفجر في وشك يابعيد ..

بابا .. ياباباااااااااااااااااااا اا ..

نعم ..

في واحد عايزك بره ..

مين ده ..؟؟

وأنا ايش عرفني .. واحد قالي ناديلي بابا ..

واحد قالك ناديلي بابا ..

لأ .. الكدب حرااام ..

هو بصراحة .. قالي ناديلي بابا ياشاطرة ..

طيب وسعي كده عشان أعدي ..





الله يحرقك ياشوشو .. فكرك ايه اللي هيحصل ..


شكل بابا هيعمل من دمي كاتشب .. عشان يبلع بيه البيزا ..








شايفة بنتك .. عملت اللي في دماغها برده ..

خدي ياختي .. كلي .. مطرح مايسري يهري ..

ليه بس كده يابابا .. ده انا حتى بحبك ..

وانا مستغني عن حبك ياستي .. حلي عني بس ..

وبعدين أنا شبعت خلاص .. مش جعانة ..

نعم ياختي .. مش ايه ..؟؟

هاه .. لأ جعانة طبعا .. هات هات ..

خدي .. جاتك الهتهات ..

ولسه بفتح العلبة .. طرااااااااااااااااااااااا ااااخ ..











أعوذ بالله من الشيطان الرجيم .. خير اللهم اجعله خير ..

مامااااااااااااااااااا .. انتي فين ..؟؟

أنا هنا قاعدة بره .. بتفرج على فتافيت ..

فتافيت .. وماله ..

أنا عايزة مربى مشمش ..

إتصلي بسرعة بأبوكي وفكريه .. قبل ماييجي ..

يووووووووووه .. أهو بيخبط أهو ..

سلام عليكم .. جبتلك مربى المشمش أهي ياستي ..

ياحبيبي يابابا .. جبت عيش فينو ..

مالاقيتش .. بس جبت عيش شامي ..

ماجبتش عيش فينو .. شايفة ياستي .. انتو عايزين تجيبولي شلل رباعي انا عارفة ..

عايزين تحرموا العالم من عالمة مستقبلية .. فوق الفظيعة زيي ..

يعني انتي عايزة ايه دلوقتي ..

عايزة .. عايزة ديليفري ..

ديليفري ..؟؟ .. استعنا على الشقا بالله ..


منقول