السلام عليكم ورحمة الله وبركاته


رسالتى عايزة ابداها بالسؤال عن ام سامى وصافى واتمنى انهم يكونوا باحسن حال


عايزة اقول انى سبب انضمامى لعائلتنا الكريمة عيلة النجعاويه بدا من الركن البمبى


كنت قبل الزواج بدور على ماسكات وكريمات والحاجات الخاصة بالبشرة ومالقتش اللى عايزاه


غير فى الركن البمبى

وبعد الزواج لما حبيت اجدد فى الاكل وادور على وصفات مش عارفاها


لقيتها برضو فى الركن البمبى


ولما ربنا رزقنى بعائشة الحمد لله

لقيت كل المعلومات عن الحمل والولادة والاطفال وكل حاجة موجوده هنا ماشاء الله


فعلا مافيش حاجة تهم المرأه عموما الا وهنلاقيها هنا


وعشان كده انا انضميت للمنتدى النجعاويه

وقبل ماياخدنى الكلام احب ان اشكر ام سامى وصافى على المجهود الجبار

المبزول فى الركن

ومن حبى واعجابى فى الركن البمبى اختارته اسم للمحل بتاعانا
(زى ما ابو عائشة قالكوا)

وان شاء الله ناويه وده بعد اذن صافى وام سامى

انى اطبع بعض الوصفات والمعلومات المفيده الكتيرة الموجوده على الركن هنا

واديها للزبائن على سبيل تطبيق خدمة عملاء متميزة

وهايكون مزكور فى الورق انه من الركن البمبى

اقصد الموقع وهاكتب الموقع احنا اصلا كاتبينه على اليافطة
زى ما الاستاذ صيحوا اشار علينا

وان شاء الله هانصح كل الناس بزيارة الركن البمبى عشان يستفيدوا من كل حاجة فيه
وكذلك كل حاجة فى النجع
عيلتنا الكريمة

واكرر اعجابى الشديد بالركن البمبى

واسفة على الاطالة بس ده من حبى فيه

ويارب دايما تجيبولنا كل ما هو جديد ومفيد ياصافى انتى وام سامى