متتسرعوش وتفهمونى غلط

انا مش بدعى على المصريين لا سمح الله

اقرو وحتفهموا وبلاش تسرع تانى وشى انتهى خلاص



مش ملاحظين ان كل ماتحصل حادثه فى مصر ان لازم يكون وراها مجنون

لو افتكرنا مثلا حادثه بنى مزار كل الجرايد ان الفاعل كان مجنون , وليس فى حالته الطبيعيه وبالرغم من كده بعد فتره حكمت المحكمه ببراءه المتهم بعد ما تاكدت ان المتهم مش متهم يعنى بأختصار كده مطلعش مجنون :]ولا حاجه بس هما حبوا يلاقوا شماعه يعلقوا عليها الحادثه لحد ماتاخد العداله مجراها ويدرس القاضى القضيه ثم يصدر القرار النهائى :] بس الاكيد فى الاول علشان الناس تنسى وتهدى والموضوع يعدى زى غيره

وكمان حادثه الاعتداء على كنائس فى الاسكندريه كمان قالوا على اللى ارتكبها مجنون

وحادثه التوربينى رئيس عصابه مغتصبى الاطفال والمتشردين وقتل الاطفال وحاول اقناعنا بكل الطرق انه مجنون ومضطرب نفسيا واكيد احنا دورنا اننا نصدق ونتعاطف معاه كمان ونلتمسله العذر فليس على المجنون حرج ياجماعه

واخر حاجه بقى سفاح المعادى

لحد امتى كل حادثه كبيره بيروح ضحايا فيها حيكون مرتكبها مجنون

ولو كان دى الحقيقه ليه الدوله سايبه المجانين تقتل فينا ولا تعمل كده ايه بيخفوا من عددنا ولا ايه النظام

ولا احنا كلنا مجانين مختفين فى صوره عقلاء

والمهم بقى فى الموضوع كله انه مفيش مجنون بيخطط وبيفكر بالشكل المنظم ده اللى بتتنفذ بيه الجرائم دى

ولو كان ده حقيقى بقى ان فى مجانين بنفس العقليه الجامده دى

فياريت كل المصرين يبقوا مجانين

اقصدى اننا نبقى فى بالعقليه المدبره دى والمفكره والمنظمه لنستخدمها فى حيتنا فى عمل يبنى مصر مش يهدم ويقتل فى اولادها وعمل يقوى ميضعفش

فهمتونى بقى ليه يا ريتنا كانا مجانين