بسم الله الرحمن الرحيم



حكاية قلبى

القلب اللى يعيش معنى الحب فى الله بسجِيِتُه
و يحس دفئه و حر شوقه بدَقِتُه
و يدوق حلاوة الشهد ففرحته
ويصبر على المُر فوَقت شِدِته
و يعانى نهايته غصب عنه ف غُربته
ليه رب شايف و عارف نِيته
وبرحمته قادر يفك كُربته
يا رب ثبته
و اجعل الخير هو نصيبه و قِسمته
القلب دا انا عارف قصته
لو تحبو ادلكم على سِكِتُه
كان هنا, جمبى و عارف خَطوته
حِلِف ما يرجع الا و معاه وردته
راجع معاها او بدالها جثته
صحيح عبيط, بس دى وصيته:
اشوفلى قلب تانى فنفس حِنيّته
و يكون كبيييييييييييير اد دُنيته
و يكون تمام فنفس وصفه و خِلْقِته
طماع كبيييير, بس حامل قَسِيِتُه
صعبان عليا كونه صاحب وِحْدِته
وخايف من اليوم اللى هاسمع كسرته
يا رب مايكون قبل ما تعود ضحكته
او عالاقل تبان ملامح بسمته
ساعتها هاقرا الفاتحة ليه ولوردته
و هاحطله 100,000 وردة بدل اللى راحت على تربته