السلام عليكم ورحمة الله وبركاتة

بدون مقدمات سندخل الى الموضوع مباشرة"

هو انت لو شوفت نملة فى الشارع هتعملها ايه ؟

نملة !! نملة ايه ؟
دى حاجة ولا تذكر هدوس عليها وامشى
قال نملة قال


طب نقول صرصار طيب ؟؟

ولا صرصار هفعصه برده .. هو الصرصار ده حاجة يعنى


ياه على الثقة بالنفس .. الانسان ده كائن له العجب
طب تعالى كده ورينى نفسك قدام فار مثلا

ههههههههههههههههههههههههه ههههههههه
فار ايه بس وبتاع ايه
هاخبطه باى عصايه هيموت على طول


طب لو كلب ؟

لا هسيبه وامشى


طب اشمعنى الكلب هتسيبه وتمشى

اصل الكلب ممكن يعضنى
فاتقى شره احسن


طب لو اسد

لا اسد ايه ده كده تخريف انا ايه اللى هيودينى مكان فيه اسد اساسا


بالفرض يعنى

لا هتلاشى المكان اللى موجود فيه الاسد اساسا


ياه ع الجبن مانت من شويه كنت هتدوس على النملة وهتفعص الصرصار

ايوه بس ده اسد .. اسد .. ليث
يعنى مفيش تفاهم معاه


طب لو انت ماشى كده بالصدفه وطلعلك ديناصور

هههههههههه ديناصور ايه بس انت هتخرف الديناصورات انقرضت من زمان


ايوه ماشى انقرضت بس مش كانت مخلوقات برضه من خلق الله
هنقول بالفرض يعنى مش حقيقى فرضا بس


خلاص بقى هسلم امرى لله
مانا لاهعرف اروح يمين ولا شمال


ياه دانت طلعت صغنن اوى
تخاف من حتة ديناصور


حتة ديناصور!!
انت محسسنى انها حتة جبنة
اه طبعا لازم اخاف منه


طب ماتقولى كده حجم الديناصور اللى انت اترعبت منه ده بالنسبه لحجم محافظة القاهرة فقط ايه

حجم الديناصور بالنسبة للقاهرة!! لا دانت جاى تهزر

لا مش بهزر جاوبنى بس


اكيد ولا حاجة يعنى
انت بتقارن ايه بايه


نستنتج من كده ان محافظة القاهرة بالنسبة للديناصور كبيرة

اه طبعا كبيرة جدا
ده يعيش فيها ويبرطع
انت ناوى تربى واحد ولا حاجة؟


لا خليك معايا بس
محافظة القاهرة بقى بتاعة الديناصور اللى هيبرطع ده قد ايه من مساحة مصر

ياعم انت قلبتها درس جغرافيا وانا بليد فيها اساسا


لا مش قصدى
يعنى بتقديرك النسبى

لا ماعرفش الحقيقة بس اكيد القاهرة صغيرة جدا بالنسبة لمصر


امممممممم صغيرة جدا
اومال مصر تبقى ايه بالنسبة لافريقيا


ياه حتة كده فوق فى شمال شرق افريقيا
مربعه كده واخده حتة صغننه

حتة جبنة يعنى ههههههههههههه

هاهاهاها دمك خفيف اوى
انت جاى تقفشنى يعنى وتروش عليه

لالا انا بهزر معاك ندخل فى الجد

اذا افريقيا كبيرة

اه انت بتهرج دى كبيرة جدا

طب لو قارنها بالكرة الارضية هتبقى كبيرة برضه


لا كده الموضوع اختلف
افريقيا اه كبيرة بس بالنسبة للكرة الارضية
صغيرة اكيد


طب اخبار الديناصور ايه فى الكلام الجميل ده

هههههههههههههههههه
لا ديناصور ايه بقى دانت بتقوللى كره ارضيه


ياه كبيره اوى الكره الارضيه دى
تخيل كده حجمها قصاد كوكب بلوتو


لا ياراجل بلوتو ايه بس
الارض اكبر بكتير


اه فعلا اكبر بكتير
طب وعطارد


الارض اكبر بردو


طب والزهرة والمريخ

لا زهرة ولا وردة
الارض اكبر من ده كله


يعنى مفيش اكبر من الارض يعنى ولا ايه

لا اكيد فى
اورانوس ونبتون مثلا
بس مش بكتير يعنى


امممممممممممم برافوا عليك
دارس علوم كويس


ههههههههههه انت جاى تمتحنى ولا ايه

لا ادينا بندردش شوية مع بعض


دردش واحنا ورانا حاجة

قوللى كده الارض بالنسبة للمشترى وزحل قد ايه


ياه عبارة عن كرة بلياردو يمكن اصغر

الله عليك انت على فكرة معلوماتك جميلة


ايوة طبعا انت فاكرنى جاهل

لا لا طبعا انت راجل فاهم


اه بحسب !!


ماعلينا..نكمل موضوعنا

اتفضل كمل


المشترى وزحل واورانوس وكل العمالقة والاقزام اللى قولناهم
يجوا ايه جمب الشمس


يااااااااه ولا اى حاجة
اكيد صغيرين جدا


اذا الشمس كبيرة جداا...

كبيرة ايه بس
كلمة كبيرة دى قليلة عليها


طب اقولك على معلومة

اتفضل ..

تعرف ان الكواكب كلها مجتمعة فى كتلة واحدة
اصغر من الشمس بمراحل


للدرجادى !!

واكتر كمان


يانهار ابيض
يعنى الشمس لو نزلت على الارض ......

ششششششششششششش شمس ايه اللى تنزل على الارض


يعنى بقول بالفرض

فرض ايه بس
كده فكرتى هتتغير عنك


لا لا انا اسف كنت بهزر بس

ايوه كده
يعنى احنا دلوقت متفقين على ان الشمس كبيرة جدا بدون الكواكب

اه طبعا


طب لو تخيلنا حجم المجموعة الشمسية كلها يعنى الشمس وجميع الكواكب التابعة لها
وجميع الاقمار التابعة للكواكب
وقارناهم بحجمك انت ياللى كنت بتستقوى على النملة من شوية
يبقوا ايه


ايه ياعم انت قلبتها جد كده ليه
هروح اصالح النملة خلاص


لالا مش قصدى
انا بقولك يعنى انت ايه فى المجموعة الشمسية

انا فتفوتة .. لا اقل كمان .. مش عارف


طب تعرف الشمس العملاقة دى بمجموعة الكواكب والاقمار
بالنسبة لنجوم تانية داخل المجرة يبقوا ايه


لا ماعرفش

اممممممم فى نجم اسمه سيريوس
اكبر من الشمس العملاقة بعشرات المرات


ياه ده يبقى كبير اوى !!

اه اومال ايه
تعرف ان سيريوس ده امام نجم آخر اسمه انتيرياس
يبدو كنقطة تكاد لاترى اما الشمس فهى بالفعل لا ترى


اوبااااااا
لا كده الموضوع كبر اوى وبهوق


طب تعرف انتيرياس ده
داخل مجرة درب التبانة عبارة عن ايه

ايه؟؟

عبارة عن نقطة مشعة بحجم رأس الدبوس


طب ايه اللى صغره اوى كده؟

اكيد مش هو اللى صغر
احنا اللى كلامنا اتحول من النجوم الى المجرة باكملها


هى المجرة كبيرة للدرجادى ؟؟

ههههههههههههه تعرف المجرة فيها كام نجم


كام؟

فيها حوالى 2 بليون نجم
مختلفين الاحجام
فى من النجوم دى بيتبعه كواكب زى الشمس وفى لا
واحنا كبشر جزء من المجرة دى


احنا ايه بقى..هو بقى فيه احنا !!!


ياه مستكبر اوى المجرة

على الكلام اللى انت بتقوله ده .. اه


اومال لما تعرف ان المجرة دى لو بصيت لها من الكون
هتشوفها وكأنها نجمة صغيرة
وبجوارها بلايين بل مليارات المجرات تبدو جميعها كالنجوم
وبداخلها تحمل عدد لا يحصى من النجوم العملاقة
قوللى بقى النملة ولا الصرصار ولا الديناصور حتى ايه فى الكلام ده


اقول ايه بس غير سبحان الله

ده اللى عايزك تقوله من الصبح
سبحان الله


خلق الكون بهذه الاحجام الهائلة
وايضا خلق النملة وبها ملايين الخلايا الدقيقة

وخلق الانسان وكرمه عن باقى المخلوقات

والانسان بينافق ويكذب ويفترى ويفتن ويزنى ويسرق ويرتكب كل الكبائر
ولا فى دماغه اى حاجة

فى النهاية ندعوا الله ان يصلح احوالنا جميعا وان يهدينا
اتمنى يكون الموضوع عجبكم