السلام عليكم ورحمة الله وبركاته

الاول بسلم على كل النجعاوية وكل سنة وانتوا طيبين

عمالة اسمع كلام اغرب من الخيال بجد بيجننى ونفسى افهم الكلام ده بيجبوه منين
يعنى مثلا الاقى واحدة بتقولى انتى ليه لابسة ملحفة طويلة اوى ومجرجرة كدة طيب
ماتلبسى عباية تبقى اشيك وبرضوا هاتغطيكى لكن دى شكلها مش حلو دى حتى سورى
يعنى (موسخة الجزمة)


ارد انا بينى وبين نفسى اقول لاحول ولا قوة الا بالله جزمة
ايه بس اللى بتتكلم فيها بقى انا ابقى لابسة لبس ابتغاء
لمرضاة الله واغيرة عشان مش عارف ايه
طيب معلش ربنا يهديها يمكن هى مش واخدة بالها



اجى تانى يوم الاقى واحدة تقولى دة انا شوفت واحدة
لابسة ملحفة وعليها (ترتر وخرز)
على الكم وكمان النقاب عليه تطريز بس شكلها ايه تحفة
ماتجيبيلك زيها بدل ماانتى لابسة غامق كدة وسادة

اقول هو انا لابسة النقاب والملحفة عشان اتعايق بيهم
واجيب مطرز وبترتر طيب ماهو كدة ملفت للانتباه يبقى
انا عملت ايه بنقابى واقول معلش يمكن هى مش مدركة بتقول اي
ه

وشويه والاقى واحدة تقولى انا بفكر البس النقاب الشرعى
اقولها خير ايه النقاب الشرعى ده ..........تقولى يعنى
البس النقاب وانا خارجة وقدام الناس الاغراب لكن لو جيه
ابن خالى ......جوز خالتى ..........اخو جوزى...........جوز عمة ام ابويا .........لا عادى مالبسوش

بصراحة حسيت ان حد خبطنى على دماغى اغمى عليا

وواحدة كانت نفسها تلبس النقاب وجوزها ومامتها
ماوفقوش .........اولا ماحولتش حتى تغير من لبسها
فضلت مستمرة على الباديهات والديق والكلام ده
وبعد فترة الاقيها تقولى اصل انا اكتشفت ان النقاب ده
نقاب القلب يعنى قلبى يبقى مؤمن بالله وماعملش حاجة حرام و..............

واخيرا ..........اخيرا..........سمعت فتوى من واحدة بجد افحمتنى

قال خير اللهم اجعله خير قرات على ( النت ) شيخ هى (مش فاكرة اسمه) بيقول ................ المكياج البسيط اللى مايغيرش شكل البنت مش حرام
طب دى جابها منين بقى نفسى افهم وهى ليه تسمع كلام واحد بيقول كلام مش منطقى

بصوا انا مش بتكلم على موضوع نقاب دلوقتى انا بتكلم على المبادئ اللى عند الناس
يعنى ازاى انا ملتزمة وعايزة البس نقاب ومقتنعه انه صح بس برضو البسه على الموضة

يعنى ايه انا ابقى بنت ملتزمة طول عمرى واستنى ان اى حد يقول فتوى عن الحواجب ولا الميكب واجرى انفزها

يعنى ايه ابقى مقتنة تماما بالنقاب وفرضيته ومع اول
مطب اقول لا اصله مش لازم اصله هايخنقنى اصله مش عارف ايه

يعنى ايه افضل اتكلم واقول انا بحب ربنا ولما بتعب بتكلم معاه وماحدش هايحس بيا زى ربنا و,..............وانا اصلا مش بنفز اوامره


انا حاسة ان البنات مبادئهم متناقضة وافكارهم ملخبطة وحساهم زى اللى رقصوا على السلم
ولا اللى تحت شافوهم ولا اللى فوق سمعوهم

بجد نفسى افهم بيفكروا ازاى

انا لو ماكنتش فضفضت معاكوا وحكتلكوا كنت هاتجنن بس الحمد لله

وربنا يهدينا ويهدي كل المسلمين