انا مرتاح بعذابي في حبك
مانا عارف.... الحب عذاب
بس ياريت ماتزيدش في تقلك
وتسيب قلبي في شوق وعذاب
طب ليه تتقل ويزيد تقلك؟
علشان قلبي في حبك داب؟
بس انا برضك هافضل احبك
بس هايفضل بينا حساب

ليه لما اّجي اقرب منك
تهرب مني تروح لبعيد
ليه لمل ارجع اسأل عنك
تتهرب وانا حبي يزيد
وافضل اصبر نفسي بحبك
وتقول مش فاضى....مواعيد

اّه ياما نفسي اخلص تاري
منك يا موريني الويل
قسوة قلبك جرحت قلبي
سهران حيران طول الليل
واّجي انام وانا برضه في نفسي
احلم بيك والحلم جميل
تقلق نومي وافضل يومي
افكر فيك وانا يومي طويل