السلام عليكم ورحمة الله وبركاتة



لما لفترة الطفولة معنى خاص في حياة كل منا ولأن الطفولة تأخذ الصفحات الملونة من دفترالذكريات الخاص بنا




سنستضيف ها هنا في هذا الركن اطفال رائعين ونعطيهم ذلك الدفتر ليقرأوا لنا بعضا من صفحاته




هنا وفي هذا الركن الملون سنستضيف اليوم نجمة تألقت في هذا المنتدى



بمرحها وشقاوتها وحبها للأخرين ,,تألقت بنشاطها وبضحكتها



لن اتكلم كثيرا عنها بل سأدعها تخبرنا من هي



الطفلة

A7la Banota








السلام عليكم احلى بنوته




وعليكم السلام و رحمة الله و بركاته




-بداية,,,اوصفي لينا طفولتك..!





كانت جميلة جدا الحقيقة كنت اول واحدة في العيلتين و كانوا مدلعني جدا اعتقد انى لما كبرت عرفت ان ده كان دلع زيادة عن اللزوم كانت اى حاجة بشبط فيها _عارفة انتِ رخامة العيال اكيد بأه_ كانوا بيجيبوها الحقيقة خاصة جدو هاني


و مكنتش بتبقى في اى حواجز تقريبا مفيش احلى من الحرية اللى الواحد عاشها في الطفولة اعتقد انها المرحلة الوحيدة اللى بيكون فيها الواحد صادق بجد لحد ما تبتدى عينه تفتح على جمال الدنيا


ده في المراحل الاولى منها اما لما دخلت على 10 سنين كده بأيت حاجات عجيبة تحصل حسيت بالمدرسة فعلا و انها مسؤلية و هكذا تباعا لحد 12 سنة




-ايه بتعنيلك الطفولة؟؟





اصدق مرحلة مريت بيها في حياتى و في ايام فيها مش هنساها ابدا سواء كانت وحشة او حلوة





-طيب هل بتعتقدي انك عشتي مرحلة الطفولة بكل ما تعنية الكلمة ولا بتتمني ترجعي للمرحلة دي حتى تعيشيها زي ما انت عاوزة؟؟





بتمنى ارجعلها عشان اعيشها تانى زي ما هى مع بعض التغييرات البسيطة جدا


قبل سن 12 ب 3 سنين كده



اممم يعني يعني ما قبل 9 سنين نقدر نقول عنها طفولة مثالية الى حد ما


-ومن ده نقدر نقول ان احلى بنوته من الناس الي بيعشقو مرحلة الطفولة وبيعتبروها اجمل مراحل حياتهم؟؟






جداااااااااااااااااااا


حتى مرة كتبت على الاستيتس بتاعت الميل نفسي ارجع عيلة و العب في التراب تاني


حقيقي كنت بموووووووووت في الايام دى





امممم فعلا معاكي حق فترة الطفولة راائعة بكل ذكرياتها


-طيب انا شايفك دلوقت شقية بعتقد كنت وانتِ طفلة شقية تربيع احكيلنا عن شقاوتك..





ههههههههههههههههههههه


كان الي بمدرستى كلهم بلا استثناء بيقولوا لماما ان انا شقية جدا بس كنت ممتازة على فكرة و مش بشكر في نفسي و الله ده اللى بيتحكيلي


و حصلت ادامى مرة مدرسة العربي كان اسمها امل و كانت بتسمع لنا الاسماء الموصولة و ماما جت تاخدنى و كان يوميها محدش حافظ تقريبا غير انا و اتنين كمان


و قالت لماما ايه كان نفسي تبقى بليدة عشان م احبهاش حقيقي كنت بعشق مس امل دى جداااااا


هى و استاذ محمود ابو العينين كان نعم الاستاذ صراحة




هههههههههههه يعني ما يتخفش عليكي بقى

انتظروا التكمله

الموضوع منقول