"المحروم منك مش عايش"



المحــروم منــك مـش عـايـش - - أو عـايـش مخـدوع موهــوم
قلبـي فـي حبـك دايمـا طـايـش - - مش خـايف ولا عنـده هموم
اللـي اتهـنــى بقـربــك فـايـــز - - حـاضن بـإيديـه سمـا ونجوم
غيــرك انتـي أنــا مـش عـايز - - دانتـي هديــة يـاريتهـا تـدوم


انتـي سنيــن العمــر الجــايـــة - - بيكـي نسيـت انا طعـم النوم
انتـي بحــور عشــق وحـنيـــة - - هفضــل فيهــا معـاكي أعوم
يـاللي نسيـت ويـاكي جـراحـي - - ونسيـت مــر الشقــا واللـوم
انتـي منـايــا ونــور أفــراحـي - - وأنا عن غيرك والله لأصوم


فيكـي بـشــوف الرقـة الصافية - - بقعـــد مـابقــاش عايـز أقوم
لمســـة إيــدك دايـمــا دافـيـــة - - بتـهــونــلــــي آلام اليــــــوم
بيكي عرفـت الضحكـة الحلوة - - وعشقـــت القــدر المـقـســوم
لــو فكــرت أكـتـبلــك غـنــوة - - هيبـــات كـل الغنــا مهــزوم



أعمـل إيـــه يـوصفلـك حبـــي - - ده الوصف في حبـك مظلوم
مش عارف أقول اللي فـ قلبي - - واللي على ملامحـي مرسوم
يـامـا كتبــت الشـعـــر وقلتـــه - - يبقى ده حالي؟! أنا مصدوم
بــس اللـي تكـون انتي حبيبته - - يبقـى سكوتـه ده شئ محتوم








بقلم:/
ســامـح إبــراهيـــم




منقول من سامح
</B>