الموضوع دة كنت عاوزة بصراحه اكتبه من زمان لغاية لما لاقيت في حد في احد المنتديات

كاتب كل اللى بيدور في مخى لآن الموضوع في شئ من الجرأة ممكن بعض الناس ميوفقونيش عليه بس برده هاكتبه
لآنى عارفة زى ما فكرت فيه ناس تانية اكتر منى فكرت فيه
خصوصا بع لما لاقيت الشخص دة كاتبه نبدأ وهعمله على حلقات


بسم الله الرحمن الرحيم


حبيت بس اقول يا جماعه ان ممكن الكلام يكون فيه شئ من الجرأه يلمس جوانب حساسه من ناحيه الدين و الادب


فياريت اللى ناوى يقرأ يكون مقرر انه يقرا للأخر و ميقفش فى النص لأن الاحداث متصله


فأستغفر الله العظيم قبل كل شئ و قبل مندخل فى أى حاجه


و بدعى ربنا ان ولو واحد بس ان شاء الله يستفيد من كلامى .



اولا /انت اتجننت خلاص؟؟؟


يا ترى انتا مين ؟؟؟

1) الحمد لله انا بصلى و بحافظ على الصلاه على قد مقدر و قليل اوى لما بتضيع منى صلاه و بتبقى غصب عنى
2) هسيب المشاهد توضحلك
المشهد الاول :
- ‘يابنى قوم صلى .. خلاص مش فاضل غير 10 دقايق’ كلمة ممكن تكون بتسمعها كتير اوى فى حياتك و الغريبه ان ردك على الكلمه دى بيبقى واحد ‘حاضر بس الحته دى بس تخلص’ أو ‘
اصل الماتش بس’ أو يمكن ‘مينفعش اوقف اللعبه شويه و قايم اهو’و سبحان الله برضو بيترد عليك نفس الرد ‘يابنى قوم الصلاه مش هتستنى’ و حضرتك بقى بتخرج عن شعورك ‘يوووه حاضر
قايم اهو’ و تصلى بسرعه كأن وراك مسأله حياه او موت عشان تلحق اللى بتعمله الله اعلم بقى متوضى ولا عامل نفسك فيها متوضى ..وجايز تنفض و متردش و تروح عليك الصلاه و انتا مش حاسس
.
المشهد التانى :
اوف .. اخيرا خلصنا , يلا يا جماعه نصلى .. ايه يابنى متيجى تصلى معانا’
و حضرتك ترد : ‘لا معلش اصلى مستعجل اوى ‘
و برضو يترد عليك : ‘يابنى مستعجل ايه حد ضامن عمره’
و كالعاده بترد : ‘يا جماعه معلش ولله مش هلحق يلا سلام’
المشهد الثالث :
قاعد لوحدك و بتسمع اغانى .. و الاذان بيأذن عليك و تبقى مدايق اوى و انك بتوطى الصوت او بتوقف لحد ميخلص – دا اذا وقفت اصلا – ياخساره خرجت بره الموود .
المشهد الرابع :
فى معاد الساعه 3 وراك .. حصلك ظروف و نازل متأخر 3 الا ربع طيب فى صلاه عصر فايتاك .. يلا مش مهم هصليها هناك ( هناك فين ؟ الله اعلم بقى ) .
المشهد الخامس :
قاعد معى صحابك و فى اذان بيأذن عليك و مفروض تصلى – ايوه و انتا وسط صحابك – لا اصل دول مش بيصلوا .. و كأن الطبيعى ان مفيش حد فى الجروب كله يصلى و كالعاده تبص تلاقى الاذان
التانى بيأذن عليك و انتا واقف معاهم .
3) بكل فخر انا مبقتش اصلى اصلا لا و عارف ايه كمان انا مكسوف و انا بقولها بس مبقتش فارقه معايا .
قصتنا بتبدأ بشاب .. فى ثانويه عامه عايش حياته فى المرحله التانيه من المراحل اللى فوق دى بس الفرق انه بيحب يلعب لعب اونلاين كتير و يتكلم معى ناس من كل حته فى انحاء العالم و من كل الديانات و فى يوم و هو قاعد بيلعب و عايش حياته عادى جدا ” مقضيها ” زى مبنقول .. لا بيه ولا عليه و مره واحده لقى سؤال موجه ليه من واحد بيلعب معاه كتير و عارفه من فتره مش قليله يعنى .. سؤال هز كيانه معى انه حافظ اجابته :-


والباقيه تأتى


noraaaaam