يعني بعد حوالي 4 سنين نت
لفيت منتديات كتير واتكلمت مع ناس اكتر وشفت حاجات كتير

ولقيت
مش شرط عشان تظهر متدين .. انك تكون تعرف ربنا كويس
(تقدر تجبلك كام كلمه قص ولزق لشيخ معين تخبطهم في توقيعك وتبقي ردودك في المواضيع بارك الله فيك وحسبي الله ونعم الوكيل )

مش شرط عشان تظهر مثقف .. انك تكون بتقري كتير ويكون تعلميك عالي وبتعرف لغات وبتشوف احوال العالم وبتقري تاريخ
(تقدر تجبلك كا حكمه علي كام مقوله من اي موسوعه وتخبطلك كام موضوع سايسي او تاريخي وتحفظ كام كلمه من برنامج توك شو وتيجي تلزقهم هنا )

مش شرط عشان تبان موهوب .. انك تكون موهوب فعلا وبتدرب موهبتك
(لو عايز تبان شاعر مش مشكله يعني هما حوالي 100 كلمه
بحبك بشتقالك بفكر فيك بناديك مستنيك ليك حواليك ماليك يرضيك .. واي >ك< وخلاص وتحشي كام كلمه في النص وهتلاقي ناس بتقلك انتا شاعر )

مش شرط عشان تظهر انك رياضي .. انك تكون ممارس ل اي لعبه او علي الاقل مش بتدخن او حتي مش بتروح استاد
(تقدر تخش علي اي موقع رياضي تجبلك كام خبر وتحفظلك كام اغنيه التراس وتعرف اسامي المدربين وخلاص تبقي رياضي)


مش شرط عشان يكون دمك خفيف .. انك تكون مخلوق خفيف الظل وانسان بشوش
(تقدر تعوج ايدك في الكلام علي الكي بورد وتنطق حروف ملخبطه وتجبلك كام نكته علي كام افيه من فيلم هايف وتيجي تلزقهم هنا)
مش شرط عشان تظهر .......
انك تكون ............

المصيبه لما تبني لنفسك شخصيه وهميه مش موجوده
ومع الوقت تصدق وهمك وكدبك وتتحول من انسان طبيعي ل انسان مريض قدر يخبي نفسه وقدر يخبي ضعفه ورا شاشة كمبيوتر
وهوه انسان سلبي
سلبي مبيفكرش .. بيحفظ كلام غيره ويعيش بيه علي ناس تانيه
سلبي مش عاجبه حاله ... يروح يكدب علي نفسه عشان يداري النقص الي جواه بدل ما يحاول يطور من نفسه

امثله كتير شفتها في 4 سنين عرفت ناس فعلا كده
وعرفت ناس طبيعيه
عرفت ناس بتستخدم النت كا وسيله للتواصل
وعرفت ناس بتستخدم النت كاوسيله للكدب

م/ن