مسلسل
سطو مسلح

(بطوله النجعاويه )




سطو مسلح

الحلقه الاولة


……بطوله خيال هانى……..
........و كريم COCO........


خيال هانى / يااذكى اخواتك هو الواحد مايعرفش يعتمد عليك فى أى حاجه كل ده تأخير ياض

كوكو/ صباح الفل ياكبير

خيال هانى / انت كنت فين ياض بقالك ساااااعه بتشترى قلم 0000.gif" border="0" alt="" title="Kar0000" class="inlineimg" />

كوكو / أعمل إيه بس ياريس ما أنا رحت المدرسه لإبن خالتى علشان أستلف منه قلم لقيته هربان ومش محضر أصلا

ففضلت بقه مستنيه يحضر علشان أخد منه القلم

هانى/ يخرب بيتك

يابنى أدم مش أنا مديك جنيه ماشترتش بيه ليه من أى مكتبه

كوكو / هو أنا مقولتلكش يامعلم

أصل مدرسه إبن خالتى بعيده فركبت ب الجنيه موصلات علشان أجى بسرعه ومتقولش عليا غبى وإنى إتأخرت

هانى / اه يانى يااما حد يشيل برميل الغباء ده من قصادى

مش مهم بص معايه بقه وركز كويس قوى فى اللى انا هقوله دى خريطه بنك القاهرة إللى هنسرقه

كوكو / بنك القاهرة طب وليه نتغرب ياكبير مانسرق أى بنك من عندنا من هنا بدل مانسافر ونتغرب

هانى / ياغبى إحنا هنسرق فرع من فروعه اللى عندنا هنا ركز بقه معايه والأحسن إسمع وبلاش تفكر


إحنا هنهجم على البنك الساعه 1 بالظبط ده الميعاد إللى بيكون فيه البنك هادى 1وربع بالظبط لازم نكون بره البنك

كوكو / مينفعش نخلى ميعاد العمليه الساعه 3 كده يامعنم

هانى / 3 ليه عندك ايه الساعه 1 ؟؟

كوكو / ماتش الاهلى والزمالك ياكبير

هانى / هتأجل العمليه علشان ماتش الاهلى والزمالك

انت غبى ولا غبى ياغبى

وبعدين انت ولا اهلاوى ولا زملكاوى انت أخرك بتشجع العيال اللى بيلعبوا تحت فى الحارة كل يوم ودوشنا

ركز معايا احسنلك وبطل غباوة

جهزت العربيه إللى هنهرب فيها

كوكو / كله تمام ياكبير د أنا تربيتك

أنا روحت للمعلم صيحو زى ما قولتلى

وقولتله على العربيه قالى العربيات كلها متأجرة ومفيش ولا عربيه موجوده

هانى / متأجرة وكله تمام يامعلمى والله إنت إللى هتحبسنا

كوكو / إهدى بس ياكبير ما انا مسكتش لما قالى كده روحت على الوله عماد بتاع العجل إللى ورانا وأجرت منه عجلتين إنما إيه كده




هانى / هنهرب بعد مانسرق البنك ومعانه شنط الفلوس وممكن البوليس يطاردنا على عجل يامتخنتف

كوكو / ماتخفش ياكبير ده مش عجل عادى ده عجل سرعات

هانى / هى كده فرقت

يارب البوليس يقبض علينا علشان أرتاح منه ومن غباؤه

كوكو / بعد كل اللى انا عملته ده وبرده غبى خيرا تعمل مش عارف ايه مش لاقيه

واجرى يابن ادم وراء الاتوبيس ياتلحقه يامتلحقوش


هانى / حتى الامثال مش عارف تقولها وشقلطها ياغبى

سيب موضوع العربيه إللى هنهرب فيها دى عليا


أنا هتصرف

كوكو / ه طب والعجل اللى أجرته يامعلمى ده الواد عماد إديه طرشه وممكن يضربنى لو رجعتله العجل تانى

هانى / يارب يخلص عليك وأرتاح منك

أنا إظاهر هتوب على إديك


فهمت الخطه ولا لاء يابنى أدم !!!

كوكو / طبعا يامعلمى فهمتها إنت فاكرنى غبى

دأنا ياما سرقت هى دى اول مرة ما إنت عارفنى

هانى / ما هى المصيبه إنى عارفك وفاكر بلاويك كلها

بقه فى حرامى فى الدنيا يرن جرس الشقه اللى هيسرقها ياغبى

كوكو / ياكبير ما انا حولت كتير أفتحها ماعرفتش بصراحه إتغظت من الناس الظالمه دى إللى مش عوزنا نشتغل ومتبتين قوى على أبوابهم

كاأننا هنسرق الالماظ

رنيت الجرس وقولتلهم حرام عليكم ياظالمه سبونا ناكل عيش



هانى / إحمد ربنا إنهم إفتكروك مجنون وطردوك



كوكو / هو أنا غبى يامعلمى ؟؟؟؟



هانى / لا أبدا إنت غبى إنت

د إنت مخترع الغباء

قول الخطه وخلصنى فى يومك إللى مش ناوى يخلص ده

كوكو / حاضر ياكبيرأنا مش عارف بس إنت متعصب ليه

إحنا هندخل البنك على الساعه 1 او 2 كده وبعدين نطلع المسدس ونثبت كل الناس إللى جوة و ناخد قيمه 500 جنيه من البنك

و نرتاح قيمه ساعه جوة البنك على بال البوليس ما يجى وأول ما نشوفه ننط على العربيه ونجرى منه فريرة

هانى / واد ياكوكو معاك المسدس إللى قولتلك إشتريه ؟؟

كوكو / أيوة ياكبير تلميذك المسدس أهوة

هو إنت عوزة ليه ياسيد الناس ؟



هانى / علشان أخلص عليك ياغبى وارتااااااح بقا

كوكو / إلحقونى هيخلص عليا إلحقونى


وتانى يوم وقدام بنك القاهرة الساعه 1 بالظبط

إنتظرونى لكى تعرفوا ماذا حدث



منقوله مع بعض التعديلات