السلام عليكم و رحمة الله و بركاته

( الموضوع دا اتكتب في 25 أغسطس 2006 )

ازيكو يا جماعه

المشكله تبداء من حوالى خمس ست سبع تمن تسع سنين كده

وهي كانت عباره عن خوااطر لعمل موقع

الحمد لله ربنا كرمني و خلصت التصميم بتاعواا

و الداتا وكل حاجه بقت تمام

مش ناقص الا الفلوس علشان الهوستيج


دخلت جمعيه و انا كنت فى ساعتها فى اولى ثانوي تقريبا /babyy



وبقي معايا خمسميت جنيه
والهوستيج كان لسنتين بتلتميه



قلت انا فى مية جنيه لازم اضيعها ، يعني افرتك ابوها فى اى حاجه



انشالله انزل اجيب بيهم ببس
وكدا



المهم كلمت الراجل بتاع الهوستينج

كان حبيبي يعني
وظبط معاه التظابيط



قلتله الفلللووووس جااااات يا معلللممممممم



وبعدين .....




كنت محتاج شوية حاجات من والدي شوية متطلبات


ام هند قالى اول الشهر /banned


من هنا لهنا لهنا لهنا هوب الفلوس اتصرفت


وكل عام و انتم بخير






ونام الحلم على كدهخصوصا بعد ما جالى فيرس


دمرلي تقريبا كل ملفات الموقع /ahhh
حتى ابسط الاشياء


الحمد لله على كل شئ




وعدت سنه و را سنه و الفكره بتداعبني بس وخصوصا بعد ما دخلت الكليه

لان انا بدرس تصميم
وتصميم المواقع جزء من مجالى

بس المشكله انى مليش خبره


وكمان معرفش اصلا اصمم مواقع ولا اعرف حد ينصحني او استشيره


المهم قلت لااااااازم و حتما من ولابد انى اتعلم

ولو حتي اعلم نفسي


اعدت انكش فى الفرونت بيدج

والحمد لله الى نفعنى انى بعرف فوتوشوب والحمد لله بشكل محترم

عملت العك بتاع الموقع



ومفيش عنه اي رضا بطاطا /ahhh


لان المشكله انى مش بعرف فى البرنامج
فا البرنامج هو الى بيمشيني مش انا /bobo



يعني اقله عاوز احط الحاجه ي هنا
يقول لا و يحطها مطرح ما يعجبوا



فا طبعا بيطلع اى حاجه غير انه يكون تصميم


الحمد لله ربنا كرمني من فتره قريبه بمعيد عندي فى الكليه هيزبطني باذن الله

ام هند نرجع لمرجوعنا
قلت ان شاء الله لازم اعمل الموقع دا فى الاجازه الى جايه و ان شاء الله على حس
الموقع دا ربنا يكرمني
وانا رسمله خطة عمل


غالبا ما بتفشل


بس اهو شغال يعني

اول خطه العمل
وهو انى ان شاء الله اخلص التهبيل...


قصدي التصميم
بعد كده ادخل الدي اس ال


وازيح فى الموقع بقي


ومن ضمن خطط الدعايه انى ابعت اميلات للناس

وجمعت ما يقرب من مية و عشرين الف ايميل
بس طلع انه ممنوع /banned



بعدها انطلقت لبداء تنفيس الخطه /aggressive
خلصت التصميم و الحمد لله

وادعبس حولاى علشان ادخل البتاع النت دا
مفيش حد
المهم ربنا كرمني و بقي فى اتنين .....
ا


لمهم اتفقت مع ناس انى هدخل معاهم
رحت جبت السلك و تمام و هوصله بكره ان شاء الله
ومن هنا بدأت المشاكل زي الرز



رحت دفعت فلوس الموقع ميه و خمسين جنيه
راح الراجل قالى العرض دا مينفعكش انت لازملك ....... علشان امكانيات الموقع
وبكذا....



مين يا عم ازاى
حرام لا
اجبلك منين

واعدت افاصل
وربنا كرمني و دفعت ست شهور و مشيت

رحت البيت

لا يوجد نت
قمت نازل نت كافيه

واعدت فيها لحد ما الفجر اذن و انا مش عارف اعمل حاجه

روحت البيت بعد صلاة الفجر

وانا كلى خيبه امل


صحيح من ضمن خطة العمل ان فى ناس هتساعدني
كلهم باعوني


تاني يوم اعدت عالنت واحاول معاه احاول معاه
مفيش حل
لحد ما الحمد لله واحد دخل
قالى اعمل كذا و كذا و كذا

وعرفت اعمل اب لود للموقع

كنت ساعتها عامل ندأت فى المنتديات بطلب المساعده من اى حد

بعد كده اعدت العب فى الكنترول بانل
عملت منتدي و لغيت الموقع
طب انا عاوز المنتدي يبقي تابع للموقع

لقيتلك واحد صحبي دخل اشترك فى المنتدي
وبعتلى رساله

وانا اصلا لحد دلوقتى معرفش هو اشترك ازاى و لا الى بعتهولى دا كان رساله
ولا موضوع

اصل الدونيا كلها كانت انجليزي
وكلامه الوحيد بالعربي
وكان دا ايمن


..........

بعد كدا بيسا اشتركت
وبرضوا مش عارف ازاى

شوية شوية ربنا بقي يكرمني

واعمل حاجه حاجه فى المنتدي لحدد ما وصل لالى عليه دلوقتى /babyy

لحد دلوقتى النت ما اشتغلش

اول مواقف الشلل

السلك ما بيوصليش نت
واديته نت كافيه اشتغل
جربت مع ناس اشتغل
اجربه عندي مفيش

اخر ما زهقت
اديتوا لواحد صحبي قلتله خدوا يبني يمكن ينفعك

راح اشتغل عندوا



قلت خلاص
هدخل الدي اس ال لوحدي

اعدو يقلولى اسبوع عشر تيام مش عارف ايه
المهم الروووترررر وصللللل
وقلت الحمد لله

بعدها بيومين

الو معاك شركة لينك
حضرتك لسه ما دفعتوش اخر فاتورة تليفون علشان كده النت مش هيخش



كان من ضمن المشاكل
ان مينفعش اعمل اى تحديث للموقع الا من النت كافيه علشان السرعه

مشاكل المنتدي

اكتر من خمس تلاف مره اقفله و ميفتحش الا بمعجزه من ربناا


وجدع مره انا و الواد مؤمن بنحاول نركب شريط اخر المواضيع

يبقي تحت شويه

الاول كان فوق الصوره الى فى اعلى الصفحه

ونخليه يمشي من الشمال لليمين


المهم حطينا الكود

ورزعنا ري فريش

وكانت المصيبه

يا ريت الموقع كان اتقفل

المشكله لقينالك المنتدي كلة بيمشي مع الشريط

بالزراير و المواضيع و كله

من الشمال لليمين

نحاول معاه

يبني يهديك يرضيك اقف

ولا الحنان

طب نخش نغير الكود




ابدااااا

لو راجل تعرف تدوس عالزرار

كنا ندوس عالزرار و يجري

ونستني يلف الفله و يجي


وييييييييييييي



فين و فين ربنا كرمناا

وعرفنا نعمله



بعد معاناااااة




وفى مشاكل فى السريع كداا

لينك دوت نت قفلت الموقع من عندهااا
ليه مش عارف
بس بعد شكاوى فتحوه و الحمد لله


مش عارف ارفع مكتبة البرامج علشان مساحتها كبيره
والسرعه قليله



الشركتين بتوع الاعلانات الى فوق دول
لسه ما وفقوش عالموقع /banned

وبقالى عندهم رصيد باكتر من 250 الف ظهور


بس الحمد لله انا راضي بالتسعه و اربعين عضو
ربنا يخلهملى /7baybee

وعلى فكره فى عضوه هنا اسمها توتا
دي انا

انا عامل الاشتراك دا

علشان ان شاء الله فى المستقبل لما ربنا يرزقنىى
ببنت الحلال
ويبقي الموقع هنا فيه بتاع تلتميت الف ان شاء الله

يبقي رقمها حلو



اسف انى طولت عليكواا


بس اصلا المشاكل ما بتخلصش



اهم حاجه دعواتكوا معاياااااا hert/



وربنا يكرم


سلامو عليكو