السلام عليكم ورحمه الله وبركاته


إخوانى وإخواتى الكرام ....... يارب دايما تكونو بخير وبصحه وبسعاده

حبيت النهارده إنى أشارككم الخبر الجميل جدا ده إللى فرحنى جداااااااااا جدااااااااااا

على فكره يا جماعه الخبر ده انا إللى لاحظته وإكتشفته بنفسى الحمد لله وبجد زعلت اوى إن الإختراع ده ماخدش حقه فى الدعايه والإعلان عنه رغم إنه غكتشاف مذهل وخطير

الإكتشاف ده فى مجال الوقود حيث قام سائقى التوكتوك بتعديل مذهل فى الوقود الخاص بالتكاتك


يا جماعه التعديل ده بجد تم على جميع التكاتك الحمد لله دلوقتى وبفضل التفكير العميق والمجهود الجبار لسائقى التوكتوك اصبح التوكتوك بيمشى مش بالبنزين ..... لا بل اصبح اكثر تعقدا .... اصبح التوكتوك بيمشى ........... بالرقع على الحلل .... اه ... الرقع والتخبيط فى الحلل .... مش إنتو دلوقتى لو حد فيكو ركب توكتوك هيلاقى فى دى جى ورا فى التوكتوك من ورا كده وشغال عليه شويه رقع وخبط فى شويه حلل وشويه ناس جوه الحلل بتصوت وبتقول يالاهوى وإصحى صحصح فوق وياخرابى وبتاع


ماهو ده دلوقتى إللى بيمشى التوكتوك .... لا الناس بهبلها فاكراه بيمشى بالنبزين .... لا طبعا بنزين إيه وبتاع إيه .....






انا قولت انقل ليكو الخبر واسيبكو تحكمو بنفسكو ..... بالذمه بقى ينفع لما كل لما تركب توكتوك لاقى فى ورا سماعات يمكن هى اكبر من التوكتوك فى حجمها .... وتلاقى اللى شغال عليه شويه هبل فى الجبل وطظ فى الناس إللى راكبه إنشالله يتصمّو مالناش دعوه

كفايه كده واسيبكو إنتو تكملو