بسم الله الرحمن الرحيم


عارفين ليه البطاطس المحمرة هي الاكلة الوحيدة اللي اجتمع الناس كلهم علي حبها ؟



البطاطس المحمرة لما بتتقلي في الزيت بتبقي عادة مقرمشة من برة و طرية من جوة
عشان كدة لما حد يعمل معاك موقف سخن أوي ما تعاملهوش وحش .. أيوة حاسسه إنك زعلان منه و خد موقف بس خلي قلبك أبيض وطري "طيب يعني" مش ناشف، وسامح عشان ربنا بيسامح





البطاطس المحمرة تلاقيها عند ماكدونالدز (فرينش فرايز) و برضه تلاقيها عند بتاع الفول والفلافل

يعني انت كمان خليك زي البطاطسايه ماتتكبرش على حد وصاحب كل الناس الغني والفقير






البطاطس المحمره بتتقدم مع حاجات كتير مايونيز او كاتشب صالصات وساعات مع طحينه بس بتفضل في الاخر بطاطس
يعني مهما اتعرضت لثقافات وبيئات مختلفه احتفظ دايما بشخصيتك المستقله وطريقة تربيتك وخلي الناس هي اللي تتاثر بيك








البطاطس بردو ممكن تبقي شيبسي و هي أول حاجة بنفكر فيها لما بنحس بالجوع و احنا برة البيت
ساعد الناس دايما و خليك أول واحد ييجي علي بالهم لما يقعوا في مشكلة، خليك جدع زي "الشيبسي"





البطاطس المحمره لو اتهرست بتبقى بردو طعمها حلو وممكن نسميها بطاطس بيوريه


مهما الدنيا تهرس فيك وتبهدل فيك خليك شخص كويس ولذيذ وطلع للدنيا لسانك وقولها


انا بطاطسايه بيوريه *_^