من أجلك أنت..
راضى لو اتسرقت..
عادى لو اتخنقت..
اصعد.. وأنا تحت..
من أجلك أنت..
ترمينى موجة لموجة..
وأرجع تلميذ يا خوجة..
أتحرم من الخروجة..
عشان أنت أمرت..
من أجلك أنت..
أستحمل أى حماقة..
وأصدق وعود براقة..
بروح صابرة مشتاقة..
لا شربت ولا أكلت..
من أجلك أنت..
يتحرق دمى يوماتى..
وتقل معاك ضحكاتى..
افرح زقطط يا حياتى..
ياللى طلعتلى م البخت..
من أجلك أنت..
فى الشجرة عقلى لبس..
ومؤشر حظى يتعكس..
أنا بعد الهنا بتوكس..
من سعادتك اتعقدت..
إكمنك رمز للهدوء..
وتبان من برة ذوق..
ف جنينة الحقايق خازوق..
لما رأيته شهقت..
من أجلك أنت..
ينزعوا منى الهوية..
واللى باقى من المهية..

يتصرف على أدوية..
حبوب منع الكبت.