رغم ان مستخدم الكمبيوتر او الانترنت لابد ان يكون ذكائه وقدرته على التفكير والتخيل تتفوق على ذكاء وقدره التفكير والتخيل للشخص العادى ولكن فى ناس لا تتعامل بهذا المنطق مع الكمبيوتر وغالبا ما يقع المستخدمين فى اخطاء ساذجه ويقرفوا مهندسين الكمبيوتر باسئله غريبه و كثير من الاوقات تكون اسئله ساذجه واخر محرجه واخري ذكيه وهناك بعض الحوارات التى دارت بين احد العملاء ومهندس للصيانه ...

-الو ، معاك قسم الصيانه يا فاندم اى خدمه .

- الكمبيوتر الجديد بتاعى اتعطل .

- طيب ، ايه المشكله بالظبط ؟ فيه اي اضواء خضرا بتنور ؟

- لأ بيتهيئلى المشكله اكبر من كده .

- ممكن تقولى ايه الى حصل قبل ما يتعطل .

- مفيش ، كان فيه واحد صحبي بيكتب عليه تقرير ، وقال ان الملف قفل منه وهو شغال .

- ولما فتح مالقهوش .

- لأ .. اصله اتغاظ جدا ان شغله طار لدرجه انه طلع مسدس وضرب عليه اربع رصاصات .

- عمل ايه ؟

ضربه لارصاص ! وانا زعقت له وقلت له انه غبي ، بس بيتهيألى ان الكمبيوتر لسه فى الضمان .. مش كده ؟!

ولنا ان نتخيل شكل وجه مهندس الصيانه بعد هذه المكالمه ، ولكنه تعلم الدرس فى المرات التاليه :

- العميل : انا عندي مشكله اسمي محمدين حنتيره .

- الصيانه : أسف ، ما اقدرش اساعدك فى المشكله دي .

- و بعد ساعه جائت المكالمه التايه :

- العميل : كل ما المس كارت الصوت الموجود فى ظهر الكمبيوتر بتكهرب ، اعمل ايه ؟

- الصيانه : خلاص ما تلمسوش !!

وتعتبر هذه المشاكل صغيره بالنسبه لمفاهيم الناس الخاطئه عن شبكه الانترنت والتى يعتبرها الكثيرون اى شئ بعيدا عن حقيقتها العلميه والتكنولوجيه وهذه بعض الامثله التى يواجهها العاملون فى المجال من مبيعات وصيانه :

- العميل : ممكن تنسخلى انترنت على الديسك دا ؟

- العميل : أنا لسه محمل الانترنت حالا .. استخدمه ازاى؟

- العميل : انا لسه الانترنت واصلنى على الاميل النهارده !

- العميل : انا معنديش كمبيوتر فى البيت الاقى الانترنت على شكل كتاب ؟

- العميل :آلو .. معايا الانترنت ؟!!

- العميل : انا ضيعت الانترنت بتاعى قفلت امبارح ومالقتهوش لما فتحت الصبح ، وانا لسه دافع فيه 100 جنيه ممكن تبعتولى واحد تانى ؟؟

الصيانه : لو ما عندكش خط تليفون مش ممكن تستعمل الانترنت .

- العميل : ده اسخف شئ سمعته فى حياتى ، يا جماعه لازم تعملو حاجه فى الموضوع دا لو انتو عايزين

الناس تععامل معاكو !!

- العميل : هوه الانترنت ممكن تصلحهولى ؟!!

- العميل : عايز اشترى انترنت.. يا تري بكام ؟؟



(منقول من مجله اون لاين العدد الاول مع بعض التعديلات )