السلام عليكم ورحمة الله وبركاته

ازيكم يا جماعه ؟؟

وحشتونى

النهاردا انا قلت افتح موضوع جديد بعد فترة من عدم دخولى المنتدى او مشاركتى فيه

وبجد وحشتنى الكتابة فى المنتدى

-----------------------------

محدش حس قبل كدا ان المسيحيين فى مصر واخدين حقهم وزياده ؟؟
بس اللى على لسانهم انهم "المضطهدين" ؟؟

كل كلامهم تحسهم ياعيني ماعندهمش كنايس فى مصر كتير !!
زي الجوامع اللى فى كل شارع !!
كل كلامهم تحسهم ياعيني المسلمين سرقوا بيوتهم !!
وارضهم ، واحنا احتلال ، كابتين على قلبهم !!
ناسيين اننا كلنا على بعض 80 مليون ، وهما يادوب 5 6 مليون بس ... وعاملين حملات علشان يزودو من النسل ومش عارفه ايه
كأنهم بيولدو وبيبيضو ، واحنا بنولد بس
او يمكن الرجاله بتاعتهم بتولد واحنا لا
انا نفسى يعرفوا انهم فى البلد دى ، زيهم زينا ، مش اقل ولا اكتر

لكن للأسف ماقدرش اقول ، لأن فى نماذج مسلمة ، اتمنى انها تتحلى بأخلاق الاسلام ، وتبقى فعلا مسلمة !!

انا مش بقول يعنى اننا نتقلب على المسيحيين ، لكن لازم كل واحد يعرف حدوده فى البلد دى ، وزى ما انا ماشى سالم نفسى ، هو كمان يمشوا سالمين انفسهم ، وخلاص

لكن مش ناموسة تقرصهم ، يقولوا المسلمين هشوها علينا !!

ويعملو منها

"قضية رأي عام"

وانا عن نفسى ليا اصحاب مسيحيين كتير ، لكن دايما النبرة اللى بيكلمونى انا واصحابى ، بتكون كدا ، لازم تحسسك بالشفقه ، لازم تبين نوع من انواع الاضطهاد ، لازم ، اى جملة كدا ، يعنى مثلا فى كنيسة قريبه مننا ،
لما مرة صاحبتى بتقول : انهى كنيسه ؟؟ تقوم المسيحية ترد تقول : يعنى هو فى غيرها ، ماهى واحده بس ، ممكن تقولى انهى جامع ؟؟ انهى معبد يهودى ؟؟ وراحت ضحكت ، علشان تبقى بتهزر ..

طبعا الكلام دا يحرق الدم ، هى مش واحد بالها ، انهم فى المنطقة اللى احنا فيها ، قليلين ، والكنيسة ماتتخيلوش ضخمة اد ايه ، وكبيرة جدا

لكن هو كدا ، هو دا اسلوب الكلام !!

واللى حصل فى الاسكندريه دا ، علشان مانستعبطش يعنى ، جاى من برا ومستعده احلف

دا لو من هنا ، مش دا اسلوب المصريين ، سيارة مفخخه ، دايما اسمعها من الجزيرة عن العراق افغانستان ، دا حتى فلسطين مافهاش كدا !!
والغباء الرهيب انه الكنيسة ادامها لزق جامع

يعنى شارع اصلا بيقول هنا فى وحده يا جماعه !!

والكلام على النت بقى

احنا عملنا لكم ايه ؟؟ انتو بتعملو فينا كدا ليه ؟؟
واخوانا الشهداء دول ذنبهم ايه ؟؟ حرام عليكم ؟؟
والكلام دا موجه للمصريين اللى على المواقع
وطبعا المواقع المسيحيه ماصدقت ، والقنوات المسيحيه ماصدقت

خييييييييييير ، حادثة دنشواى .. اه يعنى انا زعلت علشانهم ، لكن مش الزعل هايعمينا يعنى !!

ناس عايشين معاهم من ايام عمرو بن العاص ، ناس عايشين معاهم ، وحاربنا معاهم ، وعملنا معاهم فى البلد !!

انا مش عارفه ازاى واحد مسيحي يقول انه فى مسلم يقتله ، دا لو وصل بينا الكره ليهم الى اى حد ، مش هايوصل ابدا للقتل!!

انا مش بتريق على ولا مسيحي فى الموضوع ، لكن كفاية بقى ، خلاص يعنى الحركات دى هى اللى بتعمل "التوتر الداخلي" اللى بين المسلمين والمسيحيين ...

--------------------

طبعا الفرقه درسناها فى التاريخ ، الفرقة هى السبب الرئيسي فى ضياع الامم ...

انا بدعو المسلمين للتعامل بالحسنى مع غير المسلمين
يعنى انا مرة واقفه ادام مكتبه واقفة فيها واحده مسيحيه

صاحبتى وقفت تقلد البابا شنودة بطريقة رخمه جدا ، ونخبطها وهش ومش هش ودى ابدا.... لازم تكمل تقليد ،
البنت المسيحيه بصت لنا بقرف وراحت ماشيه ، وهى زعلانه ..
انا قلت لها انتى تحبى حد يتريق على شيخ الازهر ؟؟
وخاصة شيخ الازهر اللى فات ، الله يرحمه ، الشيخ دا كان ليه لهجة كدا ، تحبى حد يتريق عليه ؟؟
سكتت وخلاص
بس انا اتمنيت انى اعتذر للبنت دى ...

بس لو اعرفها او اعرف طريقها !!

المشكلة فينا كلنا

انفجار اسكندريه ، قد يحصل بيننا احنا دلوقتى ، بسبب البلاوى اللى جوا بيوتنا ، مش لازم تربى ابنك او بنتك على كره المسيحيين ، ليه ؟؟

ربيهم على كره اليهود الاسرائيليين ، وعلى كره اليهود ليهم !
وخدو بالكم من تركيب الجملة دى !!

لأن المسيحيين عايشين معانا عايشين معانا ، وفى سلام ، ليه ندخل الكره قلوبنا من غير مشاكل اصلا !!
كن ايجابى امام طفلك !
الجملة دى نفذها ادام طفلك ، لما يحصل مشكله بين المسلمين والمسيحيين ، لأن الابن هاياخد رأي الاهل فى فترة معينه ، فلو نظرة البيت للمسيحيين نظره كويسه ، مش هايبقى فى كره ، لكن بتمسك بالدين ، وابنك هايبقى زى الفل .. هو دا الصح

مش كدا ولا ايه يا جدعان .. الموضوع مفتوح للنقاش فى كل المواضيع اللى تخص الموضوع .. اللى عنده حل ، اللى عنده مشكلة ، واللى عنده كلام ، اى حاجه ، الموضوع مفتوح للجميع

والسلام عليكم ورحمة الله وبركاته

---------------------------

خارج الموضوع :-

اهه اكبر مثال على اننا متساويين عند الحكومة


مجدى يعقوب


احمد زويل

الاتنين ...

ماخدوش حقهم فى مصر

مش المساواه فى الظلم عدل يا ناس !!