السلام عليكم ورحمة الله وبركاته

بصوا بقى انا بجد فى حاجة مش عاجبانى

كل اما تحصل حاجة فى البلد نلاقينا كلنا منفعلين وعمالين نحط فى شلالات مواضيع


والجديد الحملات على الفيس بوك
انا هادخل فى الموضوع على طول


هو خلاص بقى التسامح فى الدين اننا نقول احنا والنصارى واحد وان هما بشر وان الانسانيه ماتقبلش بالقتل والظلم

طيب ماهو برضوا من ديننا اننا نعامل اخوانا المسلمين معامله غير اللى بتحصل دلوقتى الكل بيتكلم على بعض واللى يأذى زميله فى الشغل واللى يتسبب فى ضرر لجاره واللى بينصب على صاحبه واللى بيعمل كتييييييييييييير فى اخوه المسلم والللى بيتكلم على اخوه المسلم كلام قاسى


وخلاص بقى نصرة الدين اننا نحط صورة مش عارف ايه على البروفايل والفيس بوك

طيب مانراعى ربنا ونتقى الله فى كل تصرفاتنا
طيب ما نؤدى كل الفروض صح ونحتشم فى لبسنا وكلامنا
طيب مانحفظ القران او حتى نقراه
طيب مانتعلم احاديث النبى صلى الله عليه وسلم
طيب مانقتدى بالسيدة عائشة فى علمها وزيها وتقواها بدل مانقول حمله الدفاع عن امنا عائشة

طيب بلاش كل ده ماتيجوا نبطل غش فى الامتحانات
وماتيجوا نبطل كدب على اهلينا

ياجماعه كلنا بنعمل تصرفات كتير حرام واحنا مش واخدين بالنا

وكل اللى واخدين بالنا منه النت والفيس بوك وحملة معرفش ايه

طيب لو على الحملات
الشيخ محمود المصرى عمل قبل كده حملة الحجاب
ان اللى مش محجبه تتحجب واللى محجبه ولبسها مش مناسب تعدل من لبسها
ماشوفتش ليه حد عمل كده

وبرضوا عمل حمله القران الكريم وهو اننا نحفظ صفحة كل يوم
وبرضوا ماسمعتش عنه على النت والفيس بوك والشغل ده

ليه كل انفعالاتنا بتبقى شعارات نقولها على النت وللاسف يومين وبننسى وبتيجى هوجة تانيه ونعمل شعارات جديدة

ليه مانحولش الانفعال لفعل وتغير فى سلوكنا الشخصى

ليه قبل ماندور على عيوب غيرنا من المتطرفين او الارهابيين او المنحلين او الحكومة الظالمة

ليه مانبصش على عيوبنا احنا

وشكرا .....................