السلام عليكم ورحمة الله وبركاته


والله ما عارفة اقول ايه
ولا عندي اي كلمة تعبر عن اللي جوايا

سمعتو؟

سمعتو المهازل والفضايح؟
شفتو بعنيكو؟
شفتو مدير مكتبه قال ايه؟
شفتو الفضاااااااايح اللي على القنوات العربية

وكل القنوات الارضية بتمثل وتستهبل وتعيش الناس ف وهم؟
الناس اللي بتمووووت مباشر قدام عنينا على ايد البلطجية المأجورين الكلاب
ونقلب ع القنوات الارضية نلاقيهم بيغنو للريس ومصر؟

سمعتو دلوقت حااااااااالا الراجل اللي بيحكي ف قناة الجزيرة وبيقول انه كلم واحد من المؤيدين البلطجية اللي بيضربو في المتظاهرين

قاله حرام عليك ليه بتعمل كده احنا اخواتك
وكلمه بالحسنى
فالراجل اتاثر
وعمل ايه؟
خرج من جيبه خمسين جنيه وقطعها وقال له: أنا معاكو...

والله ولا حاجة ده ف المهازل

اتفرجو يا ناس
اتفرجو يا مؤيدين
هتفوقو امتى؟

مصر اغنى من كده
فين؟
فين خيرها عليكو؟
بيروح فين
فوووووووووووووووووووووووو وووقووووووووووووووووووووو ووو
فوقو
حسبنا الله ونعم الوكيل
اتعودتو ع الفقر وبقت اقل حاجة تخليكو كده؟
فوقو
30 سنة بتتنهبو وبيضحك عليكو
كفاية اصحو
بيمثل عليكو
ولسة هيمثل
دي مافيا
دول مجرمييييييييييييييييييييي يييين فوووووووووووقووووووووووو
اااااااااااه والف اااااااااااااااه ع اليوم اللي وصلنا فيه اننا نقتل ف بعض
اااااااااااااااه يا شعب مصر
لو بيحبها حتى لو كان له حق فيها زي ما الناس بتقول
كان سابها بس لو حس ان ممكن واحد بس يتجرح بسبب وجوده
لو بيحبكو كان حس
فوووووووووووووووووووووووو وووقووووووووووووووووووووو و
فوقو حراااااااااااااااااام
حراااااااااااااااااام
غير الناس اللي بتموت قدام عنيكو دلوقت
ناس كتير عايشين ميتين ف ولايته ولا حد حاسس بيهم
وععود وكذب كذب كذب
الناس مش لاقيه تاااكل
الناس مش عارفة تعيش ف مصر


كام ظلم شفناه قدام عنينا؟
اقسم بربي ان انا نفسي عشت وقااائع مهاااااازل
واتاذيت كتير من النصب والظلم والتزوير والتمثيل وشفت بلاااااااااوي
يكفي اني اقول انهم اخدونا الاقصر واسوان ف الجامعة على اساس انه ملتقى متميزين
وخدونا وخدو امناء الاتحاد بتوع كل الكليات على مستوى الجامعة وكل الجامعات المصرية
على انها رحلة مكافأة لتميزنا
ووصلنا
لقينا نفسنا بنتعامل احسن معاملة
ومستضيفينا احسن استضافة
وف النهاااااية
اكتشفنا كان ليه ده كله
مترتب لقاء لينا مع جمال مبارك
متصور مع كل شباب الجامعات على اننا بنحبه ومؤيديه
ومش قايليييييييين
ولما خربت الدنياااا ورفضت بكل قوتي اني اقابله انا وزمايلي ......................

والله لو حكيتلكو عن المهازل اللي شفتها واللي سمعتها يوميها واللي جرى والله ما هخلص


يكفي برضه اني اقلكو اني وانا داخله واحد من كلابه زعقلي علشان ايه؟

علشان مش مبتسمة وانا داخلة
علشان باين اني داخلة غصب
ولما اتجاهلته وبصتله بقرف ودي اقل حاجة على زعاقه فيا علشان قال ايه مش مبتسمه للباشا
كنت خلاص
هتشد امن دولة لولا رحمة ربنا

يااااااااااااااه


كام زيارة مسئووول لمناطق ناس معدوووومة

وبعدها يطلع الباشا يقول للي فوقه تمااااااااام
لحد ما توصل تمااااااااام للريس وكل الناس دي عارفة انه تمثيل ف تمثيل ومتشبثين بس بالسلطة ع الكذب والزور ومص دم الغلابة
وغيره وغيره بلااااااااااااااوي...


ليه مطلوب من المصري انه يخرس ويبوس ايده وش وضهر وايد الريس قبله علشان بس لاقي اربع حيطان لامينه ولامين عياله ايا كان عايش ف قلبهم ازاي، ولمجرد انه بيشتغل ف الحكومة حتى لو بياخد خمسين جنيه؟

ليه احنا اغنى من كدة والله

مصر ام الدنيا
خيرها فين؟
خيرها فين يا ناس
اسألوهم.. النصابين الحرامية الكلااااااااب
كام واحد هرب فيهم وحمل وهو ماشي.. كام واحد بعلم الريس بيهلب المليون على المليون اللي عنده
والناس الغلابة مبيتبقالهمش جنيه حتى يحطو عليه جنيه

المصريين حالهم بقا كده؟
وف النهاية لما فاقو واثبتو انهم يقدرو يقررو مصيرهم..
الموهومين اخواتهم هم اللي يضربوهم؟
ليه؟
ليه دي صرختهم علشانكو مش علشانهم ليه؟
ليه دلوقت ف التحرير الاصابات بالمنظر ده
كسور حادة ف الجمجمة
تلف ف الرئة
وانفجار ف العيون
والاغتصاباااااااااااااااا ت وهتك العررررررررض لاخواتكم البنااااات والنساء
ده غير اللي ارتاحو وماتو
كل ده علشان كلمة الحق اللي هتطير الراجل ده من على كرسيه
علشان مش مكفيه تلاتين سنة
قاعد يؤمر بتسريح المجرمين م السجون
وسرحهم محملين بالاسلحة (المحرزة) ودي بشهادة من عمي وصاحب والدي (لواء سابق) عرفها من مصادر موثوقة هنا ف الاقسام
وكل ده علشان لما نتسرق ونتبهدل نقوله اه والله ياريس انت الامان
اقسم بالله انا اللي حسيت بالاهانة من خطاب امبارح
ومضمنوش
وكون انه قبل يذل نفسه بالطريقة دي يبقا ناوي يضمن حقه ويهلب ف الشهور اللي جايه ويمشي
ده مش هيقبل يهين نفسه ويقف ضد رغبة العالم دي كلها ع الفاضي
بيكذب تاني
ويوعد تاني
عاوزنا نصدق اللي معملهوش ف تلاتين سنة ممكن يعملو ف الشهور اللي جاية
كان فين؟ وليه حس دلوقت؟ اشمعنى؟
بس فعلا
حقق اللي هو عاوزه
وقعنا ف بعض
فرق... علشان يسد
واهو
ادي النهاية
بندبح ف بعض
وهو فين؟ مبينطقش ليه؟


والله العظيم تعبنا

تعبنا قوي
كفااااااااااااااية

انا مش عاوزة حد..
مش عاوزة برادعي ولا اخوان ولا اي حد
انا عاوزة ده يمشي وبعدها انتخابات لاي حد يرحمنا من الظلم والجور ويحسسنا اننا ف بلدنا مش مسروقين

انا اسفة على كل ده
كلامي اكيد مش مترتب كده وكتير بس والله اصلا ما عارفة قلت ايه من كتر اللي انا حاساه واللي احنا فيه جوايا كتييييييييييييييييييييييي ييييييير

يااااااااارب ياااااااااااااارب ارحمنا برحمتك ملناش غيرك

حسبنا الله ونعم الوكيل

حسبنا الله ونعم الوكيل
حسبنا الله ونعم الوكيل