بسم الله الرحمن الرحيم


بدون مقدمات هاقول اللى عندى علشان اخلص


اللى احنا فيه هايظل بالشكل دا طول ما فى ناس فى البلد مغيبين و مأجورين و كلامنجية بيندفعوا ورا اى كلام وخلاص

زى واحد معرفة قمة فى التفكير و تفعيل العقل بيقول (كل اللى فى الميدان دول مأجورين و مدفوعلهم 50 الف دولار لكل واحد.... طيب مين اللى دافع دا كله يا عم الحاج... يرد يقول ايران و البرادعى...)

بسم الله ما شاء الله, ربنا يحميك لشبابك

وسبب تاني ان (الناس مش ناوية تسيب الكرسى)

مش ناوية تسيبه ولو راح فيها دم 80 مليون مصرى

لا 80 مليون اييه

هم الحبة اللى فى الميدان بس

لانى اكتشفت اننا مالناش لازمة عند باقى الناس اللى فمصر بعد ما الشباب ضحى بكرامته و استحمل الاهانة من اول يوم 25 و لغاية دلوقتى عمال يسقط مابين قتيل و جريح

وفى الاخر يتقال عليهم
قلة
اوباش
خونة
عملة
مأجورين
و
و
و

واللى مايعرفش يقول عدس

وبعد دا كله يطلعوا علينا, sorry ,متأسفين عاللى حصل امبارح و نوعدكو مش هايحصل تانى

ايه بالظبط اللى مش هايحصل؟؟!
الترويع؟؟
ولا القتل؟؟
ولا الاهانة و قلة القيمة طوال 30 سنة؟؟


منه لله حسنى الغير مبارك
اقصد سوئى

الظالم
القاتل
الفاسد
افسد خلق الله

لأنى يقينى فربنا مالهوش حدود, عارف و متأكد ان يوم رد المظالم هاييجى هاييجى

بس يا ريت اكون موجود و عايش